تذكرت وصفة قالتها لي قريبتي... تقول خذي قماش قطني أو شراب وحطي في داخله رز وسخنيها في ميكرويف أو على المكواة وكمدي رقبتك وكتفك.. جربي تقول فادتها مرة

مرهم العضلات من الصيدليه وضعي عليه كمادات دافئه
شافاك الله وعافاك

لصقه ظهر
وخلي احد يطقه لك

الله يشفيكي ويعافيكي

اللي ردو ماقصرو الله يجزاهم خير
ابحثي عن التمارين الخاصه بالابهر منتشره بالنت سواء في تويتر او يوتيوب
واحرصي وقت الترويش انك تخلين المويه الساخنه بدرجة حراره تتحملينها تنزل على اكتافك وظهرك
وقبل النوم ادهني بخلطة الفكس وزيت الزيتون والكمون والزنجبيل والملح المعروفه وألبسي لبس قديم دافي واذا صحيتي تروشي
واهم شي احذري من الاجهاد ورفع الحاجات الثقيله
حتى نومك لا تاخذين راحتك في التقلب حطي مخدتين فوق بعض ونامي بحيث يكون اكتافك و ظهرك مرتفع شوي
انا السنه اللي راحت تعذبت من اصابه في كتفي والالم ممتد لجنبي وتحت صدري واتفه حركه انوجع منها
خفيت شي وبمجرد مابذلت مجهود برمضان اللي راح رجعت اقوى من قبل ثم خف كثير ومجرد رجعت انام على جنبي ليله وحده للاسف رجع الالم وما راح عني الا لما صرت انام على ظهري بمخدتين واستمريت كذا شهور طويله يمكن كملت السنه الى ان اختفى الالم تماماً وصرت اتحرك بدون ألم
مثل هذي الاصابات اللي تجي في العضل والاكتاف تحتاج شهور راحه وعنايه عشان يرجع مثل ماكان