والله ياحبيبتي الم الولاده بدايته طلق والطلق مثل الم الدوره بس دبله عشر مرات يعني اقوى بكثير من الم الدوره بس نفس الصوره الم في الرحم وشد ومغص. ودوخه وغثيان بعدها ندخل للجد اللي هي الولاده الدفع مثل اصعب انواع الامساك بس اقوى بميه مره وتحسينه غصب بيطلع بس ماهوب طالع وتبكين تشوفين قبرك والصحيفه اعمالك تمر قدام عينك وتنعدم الرؤيه في النهايه يطلع مخلوق صغير كنه حلم ويقل الالم لاأقل شي وتطلع الامشيمه بألم اقل من البيبي بكثير بس شعور الولاده صعب وغريب وشين وزين في نفس الوقت لاشفتي ظناك وطبعا الفلم هذا كله ربي مريحك منه لو اخذتي ابره الظهر بس يبدا الطلق يوصل اربع صانتي خلاص يركبونها وانسي كل الماضي ماكنه في شي
اما القيصريه تعبها يبدا بعد الولاده
ماتاكلين
لازم تمشين لازم تتبرزين ماتكحين كثير يعانون من الكحه والله يتمم لك على خير خذي ابره الظهر وانسي اللي حصل

سؤالك غريب لانه معروفه اجابته
ما فيه ولادة بدون الم روح تطلع من روح
مفروض يكون سؤالك شو الامور اللي تيسر الولادة وتخفف التعب
انا في الشهر التاسع نصحتني بنت خالتي انه اول ما تجي الالام الولادة ما اروح بسرعة المستشفى انتظر ساعة او ساعتين واجيب طشت واصب داخله ماي ساخن واضيف في الماي زيت زيتون وحبة البركة واخرس رجولي في الماء مدة هذه الطريقة تساعد على فتح الرحم وتسهيل الولادة
واخذت بنصيحتها والحمدلله من وصلت المستشفى الرحم مفتوح 8 سم
وطبعا قبل سالت كيف هي الالام المخاض وكيف اعرف انها الالام ولادة او الالام عادية وخبروني يجيك الم قوي في منطقة الحوض والظهر ويروح ويرجع مرة ثانية كل 5 او 10 دقائق يتكرر ..
طبعا انا ما نزل مني ماي كثير بس بعد ساعة من الالم المتكرر لاحظت قطرات دم ورحت المستشفى بسرعة
لكن فيه حريم ما يتالموا ويتعبوا اثناء المخاض كثير ويولدوا بسرعة وفيه حريم يتعبوا ويتالموا كثير ويجلسوا ايام في المستشفى يصارعوا الم الولادة
والسبب الرياضة والاكل
اللي مهتمه في فترة الحمل بالمشي من الشهر الرابع ومع تقدم الاشهر تزيد وقت المشي وتااكل الفواكة والخضار وخاصة تكثر من شرب الحليب يصير في جسمها قوة وما تتعب
واللي اكلها ما زين وكسولة ما تمشي كثير الا في الشهر الاخير وما تشرب حليب كثير هذه تتعب واجد ورحمها ما يفتح بسرعة وتطول في الولادة


ونصيحة لا تتعبي وصفات الحريم من اعشاب وكل معين في الشهر التاسع لانه كلها خرابيط وتضر الام والجنين
فقط المشي والاكل الصحي الروتيني لاني سمعت فيه منهم يشربوا عشبة معينه او فاكهه معينه

الولادة الطبيعية الالام تظل يوم وتقدري تتحركي وتهتمي بالطفل
اما القيصرية الالام تستمر معك شهر ما تقدري تتحركي
واللي يعملوا قيصرية اما بدون ارادتهم يكون بسبب ظرف صحي للام او الجنين او بارادتهم لانه فترة الحمل ما مهتمين بالمشي والاكل الصحي

شكرا بنات على ردودكم
يعطيكم العافيه ويحقق امنياتكم يارب
اللي حامل يارب تمم ع خير وياللي تتمنى يارب ترزقها
انا حاليا ماقرات ردودكم لان خايفة اقرا اي شي عن الولادة لااتوتر بدري بس بعدين لايعني قربت الولادة بقراها :)
مدري كيف فكرت في الموضوع يمه مني ومن أفكاري ليتني مافكرت واروح كذا مدري احس احسن من الواحد يعرف ويتوتر :(