الم بالراس...كيف يروح

والله نفس الحاله بس انا اتبخر بالمره او بالاذخر
اوروحي الطبيب يمكن يعطيكي علاج
عني انا رحت وقالو مافيك شي

اختي جوري شي يجي براس مايستهان فيه انا مابي اخوفك بس تعرفين هذا الراس لازم تعرضين حالتك لطبيب اسباب الام الراس كثيره منها الي نعرف ومنها العالم الله اكثر اعتقادي ان الي فيك اعراض الشقيقه والله العالم او فقر دم لاسمح الله ابقولك قصة اختي موعشان اخوفك لا بس للمعلومه الراس ما يستهان فيه اختي كانت تشكي راسها وتحسبه صداع عادي مثل اي صداع وهات يابندول الى ان جاء يوم اغمى عليها وعلى طول العنايه المركزه اسبوع جلست فيهابعد الفحوصات اكتشفو اان عندها ورم في الشبكه العنقوديه وتم تحويلها لتخصصي واجراء عمليه والله العالم وش قد تعذبت من بعد العمليه حتى شكلها تشوه من تورمات في الوجه والعيون والارجل وسنه ونصف مواعيد والحين الحمد لله رب العالمين شفيت ولله الحمد بس باقي اعراض خفيفه ولازم تداري نفسها من كل شي يرفع الضغط لان السبب بالمرض كان الضغط وكلنا ماتوقعنا ان الضغط بيصيبها وهي توها صغيره عمرهاكان 26وغيرمتزوجهوالحد لله على كل حال عرضت عليكم القصه لاخذ الحذر الراس مايستهان فيه الايام هذي تعرفون الاسباب اما سؤ تغذيه او المشاكل والحالات النفسيه وامنى اني افدتكم ما خوفتكم.

وعليكم السلام
ما تشوفين شر إن شاء الله

و من وصفك يا اختي الظاهر ان اللي عندك صداع نصفي او شقيقة....
انا اعاني منه من سبع سنين :( ...وكيف عرفت انه عندي عن طريق طبيب المخ و الاعصاب....
وانا اللي يجني نفس ما وصفتي الم بالراس و العين و الفك و جهه وحده....واكون حساسه جداً للصوت و الضوء...بس انا يجيني اي وقت....يعني ما فيه وقت معين.....
فا انصحك تراجعين الطبيب و خصوصاً طبيب اعصاب و هو بيعمل لك تحاليل و و يمكن بعد يعملك تصوير برنين المغناطيسي MRI للراس.....بس عشان تطمانين و يعرف الطبيب السبب
ترى له اسباب كثيره....مثل حساسية الانف...الهرمونات و اشياء ثانيه كثيره....
بس اهم شي ما تهملين هالمشكله
وإن شاء الله خير و اتمناء لك السلامه