اسمعي انتي مايحق لج اتقولين عني عاصيه او غيره تسمعين الزمي حدودج انا الحمدلله انسانه محترمه والكل يشهد باخلاقي سواءا لبست العبايه على راسي ولا على جتفي دام اني ساتره بدني ووجهي وعارفه شو الحرام والحلال
لاانتي ولاغيرج من البشر يحق لج اتقولين فلان عاصي وفلان مش عاصي هاذي كلها امور الله سبحانه وتعالى يعلمها وانا مااشوف غيري واقلده مثل ماتصورتي انتي اذا انتي تلبسين العبايه على راسج مب معناته انج خاليه من المعاصي وايد ناس متدينين ويقومون الليل وغيره وغيره اعمالهم الي سوها كلها في الهواء تدرين ليش لانه قلوبهم مريضه وناس مايعرفون يقرون ويكتبون ومعلوماتهم قليله في الدين بنيتهم الحسنه واعمالهم الطيبه يفوزون بالجنه باذن الله (( انما الاعمال بالنيات)) واذا تذكرين حديث الرسول عليه افضل الصلوت والسلام عن المراه الي دخلت النار بسبب هره اعتقد انج تعرفينها وانا هالكلام مايبته من عندي .....بس الي حبيت اوضحه انكم دايما ادخلون العبايه على الراس في كل شي واخره شي سخيف انه العبايه على الكتف معصيه اتاخر الحمل ...اتكلمي كلام منطقي

وانا يؤسفني اقولج انج انسانه مش واعيه ولاتعرفين تردين

خواتي والله شي يخجل لا حول ولا قوة إلا بالله قدر الشيطان يدخل بينكم في نهار رمضااااان:44:

أختي ميرة كلامج صحيح 100% .. بس اعذريني لو قلت انج تحااااملتي شوي على الأخت مستحية وما فهمتي قصدها .. وين يا ميرة التماس العذر لاخوانا المسلمين كلنا مثقلين بالذنوب وتأخر الحمل فيه من وراه حكمة .. وكلنا اختي لبسنا العباة اللي عالكتف وعني لبستها في فترات سابقة والحين ألبس عباة الراس .. ومازلت ألبس اللي عالكتف في حضرة الحريم بس طبعا عارفة أفضلية عباة الراس .. وتخيلي اختي ان في السنة اللي لبست فيها عباة الراس وهي السنة اللي توقعت فيها محد يخطبني لكبر السن اللي توحي فيه العباة على قولة المقربين مني .. كانت أكثر سنة انخطبت فيها..
وخواتي كلهن يلبسن عباية كتف والحمدلله الله منعم عليهم بالذرية .. عشان جيه حابة أبين ان الأخت مستحية ضربت أمثلة للاستزادة من الخير وكسب رضا رب العالمين وتكلمت عن عباة الراس والكتف.. وقضية تأخر الحمل عانى منها اللي أحسن مني ومنج ومن مستحية أبو الأنبياء ابراهيم عليه السلام .. وزكريا .. وعندج عمرو خالد تم عشر سنين محروم من الخلفة لين الله رزقه بالبنت.. هذا اختبار ربنا يريدنا نصبر ونبتهل له بالدعاء.. وعباة الراس استزادة في الخير اللي حاب يستزيد يلبس مب إجبار..

وأخيرا ما أبغي حد يزعل علي .. وانتي ياميرة أنا كنت متابعة ردودج عسى الله يرزقج ويرزقني ويرزق الأخت مستحية بالذرية الصالحة قريب .. ولاحظت العقلانية في هالردود واللي تدل على أخلاق بنات الإماااارات .. دااار زايد الله يغفر له

أرجو انك تفهمين كلامي زين قبل لاتردين وما اقول الا الله يسامحك ويحللك وين ما كنتي واناما ماني عارفه ليش ادعاء عدم المعاصي انا اول العاصين لا تحسبيني كامله ما اقول الا الله يهدينا ويستر علينا ويحفظنا في ديننا ولايجعل الدنياء اكبر همنا ولا الى النار مصيرنا ويرزقنا جميعا الذريه الصالحه الباره خاصة الله يرزق الاخت ميره الذريه الصالحه وويعوضها خير وجميع الاخوات وانا كمان بحول الله وقدرته:44:

اختي ((مستحيه)) والله صدقيني يوم قريت ردج عصبت وكتبت الي كتبته وطلعت ودخلت مره ثانيه عشان اقولج اني مااحب اتكلم بهالطريقه فاقلت خل اتسمح منج خاصه نحن في ايام مباركه ومب حلوه انجرح بعض المفروض ندعي لبعض ومثل ماقالت الاخت اوتااد الشيطان دخل من بينا... على العموم عزيزتي اسمحي لي اعتذر منج جدام كل الاعضاء واقولج اني اسفه اذا غلطت عليج او جرحتج بشي وهذا مش من طبعي اني اغلط على حد..:26: وهاذي ورده مني والسموحه يابنت الاياويد والله يرزقج ويرزقني ويفرج همنا اجمعيين...

عزيزتي ..اوتااااد...تسلمين حبيبتي على ردج وجزاج الله كل خير واشكرج بعد على مدحج لبنت الامارات هذا من طيب اصلج والله يرحم حبيبنا وقائدنا وابونا زايد الله يغفرله ويسكنه فسيح جناته...اللهم امين

ما حصل الا كل خير منك ياميره وجزاك الله الف خير