الم حرمان الذرية يؤرق حياتي

يا ريت تساعدوني ضروري!!!تزوجت من سنتين وانا عمري 38 من رجل مطلق عمرو 43,زوجي عندو 3 اولاد: ولدين وبنت. وقت زواجي كانوا بعمر: الاكبر 15, البنت 8, الاصغر 6!تطلقوا عشان زوجتو عشقت رجل اخر, تركتهم وهربت مع عشيقها! بعد 20 سنة زواج!!!قبل الخطبة ام زوجي وزوجي قالوا انو الاولاد عندها وبرعايتها! ووقت الخطبة زوجي طلب انو الصغار يعيشوا معنا! ووافقت من باب الرحمه والشفقه انو ما عندهم ام! (ما كنت اعرف انو في بينهم اتفاق انو ياخذ الصغار كل خميس جمعة سبت لعندها الا بعد ما تزوجت)!!تزوجنا وعطول من اول يوم رجعنا فيه انا وزوجي من الرحله, الاولاد لاقونا ودخلوا معنا البيت وع اساس قال يناموا فالغرفه الي تخصصت لهم! الي انا اصلا لسا ما شفت البيت زي ملازم! وكمان ناقصو كل شي! الاولاد جابو اغراضهم وفراشهم وحرامهم من عند جدتهم(بيني وبينها حوش او جدار من خشب) اغراضهم كانت بوضع جدا مزري, الوسخ والاكل ملزق فلفراش والحرام! ومنشفة وحده للاثنين! وريحتها كريهه!قلت لهم بتناموا بس بعد ما اشطف الغرفة وحمامها! وجهزتها لهم عالاخر وقلت بيناموا بمكان نظيف وبعدين بطلب ابوهم يشتري سراير ونزبط الغرفة!ومن ثاني يوم صرت ام بمعنى الكلمة: اجهز اكل للمدرسة, لبسهم, احذيتهم, عشا, غسيل, تنشيف, تسفيط وترتيب, علمتهم انو الاكل فغرفة النوم ممنوع, نجهز لبس المدرسة قبل بليلة, ننظف الاحذية! الشنطة! الترتيب والنظافة حتى بطريقة الاستحمام! مساعدة بالوظايف والامتحانات! حفظوا مني سور من القران والاذكار! وتعلموا الصلاة مع الوقت لانهم كانوا يوقفوا حدي وانا بصلي! اشتريت لهم لبس جديد, منشفة لكل واحد بناتيه وولاديه, بيجامات! مع الوقت تأقلمنا وصرت اكثر من امهم وكأني انا الي متزوجه من 20 سنة! وصاروا ينادوني يما!كان ياخذهم عندها زياراتهم! وكنت اتضايق انو فيه لسا هذا التواصل حتى لو عشان الاولاد! حسيت شو ما اعمل رح يحبوا امهم لو كانت اكبر خاينه وسمعتها طين!امهم بعد كم شهر خلفت بنت من عشيقها! اتمشكلوا ورماها! وهسا هي عايشة فغرفة خرابة فساحة بيت اختها!مرة من المرات حكت للاولاد انو ابوكم ما بخلف! وقالولها كيف! واحنا؟ قالت بعد الصغير بطل يخلف! وانها رح تترككم!!!المهم بعد خمس اشهر وانا احسب حتى تتأخر دورتي واحمل! نصحوني قرايبيني اروح ع دكتورة! ولما حكيت لزوجي قال انا بعرف دكتور بنروح عليه!المهم يومها بس عرفت انو ولادو كلهم خلفة اطفال انابيب!!انصدمت وحزنت كثير الصراحه! ومع الوقت قلت طيب يمكن الزراعة تمشي زي ما مشت معهم!!بديت العلاج وانا زي الاطرش فالزفة! ماني فاهمه شو لازم اعمل!! وابدأ اعمل تحاليل! وفحوصات! واجهز حالي اخذ ابر هرمونات من ثاني يوم للدورة! لغاية ما اكون جاهزة لسحب البويضات! وتخدير كلي! وسحب بويضات! وتلقيح البويضات فالسائل المنوي الضعيف! وترجيع البويضة الي تمسك! والاحراج! وانو اكثر من ايد شغالة فالموضوع! وخوف من الخربطه! واستنى 14 يوم بعد اذا يصير حمل؟ ! كل هذا الاجراء بياخد مدة شهر ..وبالاخير ما يصير حمل!!عملت هالمحاولات 5 مرات وكلها باءت فالفشل!فالمره الرابعه بعد الفشل قلت لزوجي ينقل اولادو عني! ما ودي اشوفهم! خليهم عند جدتهم!جدتهم قالت ما بدها! وحتى حكت للاولاد شايفين هيها رمتكم!!! ولا تنادوها يما!!! (الاولاد خبروني هالشي) زوجي بنالهم غرفة وحمامها بين بيتي وبيت جدتهم بس في ساحة بيت جدتهم! بس ضليتني بنفس التعامل معهم بس انو النوم فهذي الغرفة..المرة الخامسة كانت عند دكتور في عيادة خاصة وعندو فهمت انو السائل المنوي جداااا ضعيف والاحتمال جدا ضعيف!!هون انا فقدت الامل!! وقلت ما بدي اشوف اولادو نهائيا!!! وهسا هم برعاية جدتهم...كنت عند اهلي, وبالهفترة قال انو راح عند دكتور واعطاه ابرة وكم علبة دوا وعسل! وانو يداوم عليهم وياخذ الابرة كل شهر!!هون كمان انقهرت منو! طيب لشو بتستنى الك سنتين؟ وما عملت هالشي من الاول؟!!قال بيقولي كان كسول!!!!!كرهت الحياة!! وكرهت وضعي!! وحاسة بغُل ع زوجي عشان خبا عني (قال عشان حبيتك)احساس انو حرمني الامومة ذبحني!! وفوق هذا الي خانتو ما انحرمت من امومتها!!! لانو شو مكان! بمجتمعنا هي ام عيب حتى الطليق يتواصل معها بحجة الاطفال!!الوسوسة والغيرة فقدوني اعصابي! حاسه تزوجني مقاهرة بطليقتو!!صرنا كل يومين نتخانق! عامل فيها متحمل! بس انا تعبت من الخناق! وتعبت من هذا الاحساس انو عندو اولوية اولادو الي دايما حتضل بينا لو شو منخطط او نعمل اشي!بعرف انو زوجي كثير منيح, وبحاول يعمل كل شي يرضيني, وانه ما يخفي عني اكثر, ومتمسك فيني, بس انا لسا عندي غُل عليه وحاسه كأنه بيعملي معروف! وانه مهما بيحبني لسا حبه الاول لاولادو الي خلفهم ع عطش!!كثير بفكر بالطلاق منو!ويربي اولادو ع كيفو بدون ما اتفرج عليه!! حتى لو مش قدامي!! بكفي فكرة انو عندو خلفة مهتم فيها! ,وانا مليش!!!
اعذروني عالاطاله (حتى اوصل كل الفكره)