الم عند التبرز ونزول دم

جرح شرجي هذا

وعليكم السلام
عالجي الامساك وماراح يصير معك مشاكل شرخ او نزف بإذن الله
اما الشرخ اذا كان خفيف مش عميق لا تخافين راح يطيب لحاله خلال اسبوعين او ثلاثه اسابيع
اما اذا قوي وتلاحظين نزف دم كثير ما يخف كميته خلال اسبوع فالافضل تراجعين مستشفى يعطونك علاج طبي موضعي وحبوب تساعد على إلتئام الاوردة وتقويتها عشان ما يصير معك فقر دم
اما الامساك فلازم تعالجينه عشان ما يخدش منطقة الاخراج حالياً وعشان ما يسبب لك بشرخ جديد بالمستقبل اول شي صححي تغذيتك وابعدي عن الاكل الخرابيط اللي ماله فايده مثل المعجنات والسكريات والحلويات والغازيات وكثرة الحليب
وابدأي يومك بملعقه كبيره زيت زيتون واشربي بعدها كوب كبير مويه مضاف له عصير ليمونه
واحرصي على المشي لو عشر دقايق لا تكثرين الجلوس لفترات طويله لان الحركه تساعد الامعاء تتحرك وتتنشط للإخراج
وضروري تاكلين الاطعمه اللي فيها بوتاسيوم ومغنيسيوم عالي مثل الورقيات الخضراء خاصة السبانخ والافوكادو والبطاطا الحلوه والبقوليات
لان هذي المعادن تساعد في انقباض وارتخاء العضلات في منطقة الاخراج وتعطيها مرونه
كذلك احرصي تاخذين فيتامين سي وافضل نوع هو فيتامين سي كومبلكـس C complex اللي يكون فيه كافة عناصر الفيتامين الطبيعي وللاسف هذا النوع غير متوفر بالصيدليات ولازم تطلبينه من المواقع مثل آي هيرب او امازون
واذا ماتقدرين تطلبينه كلي فواكه غنيه بفيتامين سي مثل الكيوي والمانجا والجوافه والحمضيات وغيرها
واكيد اشربي مويه بإعتدال 5 إلى 8 اكواب موزعه طول اليوم
وحاولي لمدة اسبوع الى 10 أيام تشربين خل تفاح عضوي ملعقه متوسطه مضافه على كوب مويه متوسط بعد وجبة الغداء عشان يحل مشاكل الهضم اللي ممكن تكون سبب في الامساك

أختي عالجي الإمساك أول شي وكثري موية وكثري أطعمة فيها ألياف غذائية للفائدة أنظري هذي المقالة عن الإمساك هنا
كمان خذي قطعة صبار طازج واستخدمية كمرهم في نفس المكان ( المادة اللزجة في الصبار مررة مفيدة ومجربة ) كمان إبعدي في الفترة هذي عن الخبز الأسمر والحبوب الكاملة ولاتنسي تشربي مويه كثيييييييير مقدار 7 - 8 أكواب في اليوم
وقدامك العافية