الم في الجانب الايسر من اسفل البطن

الصحة واللياقة

بنات الله يعافيكم انا في هم مايعلمه الا الله من سنوات اعاني من الغازات والحموضة والغثيان والتقلصات لكن الفترة الاخيرة جاني الم زي الشد القوي من الجانب الايسر من اسفل ينزل الى المستقيم ومعي اسهال ومخاط اصفر وامس رحت لمستوصف اهلي صغير قريب مني قال هذا التهاب بالقولون لان القولون فيه سماكة وعطاني ادوية وقال راجعيني بعد خمس ايام حتى النوم ماقدرت انام من الخوف والقلق بس افزز وحياتي تدمرت زوجي طفش مني واهلي صرت كني ماني موجوده اجلس معهم ولا كاني معهم مدري ايش الحل
12
7K

يلزم عليك تسجيل الدخول أولًا لكتابة تعليق.

تسجيل دخول

هموم امرأة
هموم امرأة
الله يسعدكم اللي ماعنده خلفيه عن الموضوع يكفيني دعوة في ظهر الغيب في هذي الايام المباركة.
عواطف تركي
عواطف تركي
القولون اعراضه متعبه الله يكون في عونك ويشافيك ويعافيك
لكن جربي البكتيريا النافعه البروبيوتيك (Probiotic) يمدحونها لمرضى القولون واللي جربوها ارتاحو
لان البكتيريا الضاره اذا زاد عددها تتعب القولون والمعده وتصير البكتيريا النافعه قليله ماتقدر تدافع
روحي الصيدليه واطلبي من الصيدلي يعطيك بكتيريا نافعه واسأليه بنفسك عن فوايدها وطريقة استخدامها والجرعه المناسبه وكم تستمرين عليها للقولون بالتحديد لانها تؤخذ حتى بدون قولون عادي
وبإذن الله ترتاحين ويخف عليك القولون وتختفي اغلب او كل اعراضه من غازات وامساك واسهال
والبكتيريا النافعه موجوده بشكل طبيعي في الزبادي ولو تاكلينه يومياً بإستمرار تستفيدين منه
لكن مثل وضعك يعتبر الزبادي عدد االبكتيريا النافعه للي فيه قليل مايجي مثل لما تاخذين حبوب بروبيوتيك فيه اغلب انواع البكتيريا النافعه اللي يحتاجها الجهاز الهضمي والقولون وبأعداد كبيره مناسبه
واذا خايفه استشيري الطبيب بخصوص استخدامك حبوب البروبيوتيك
عواطف تركي
عواطف تركي
واحب اذكرك بوصفة الليمون الاسود المطحون المشهوره

اللي جربوها للقولون يقولون ارتاحو مدري اذا يناسبك

الطريقه سهله مجرد خذي 5 حبات ليمون اسود مجفف وافتحيه وشيلي منه البذور قد ماتقدرين وعادي تتركينه مو مشكله واطحنيه ناعم مع قليل جداً سكر يادوب ملعقه صغيره عشان تكسر الحموضه وقبل وبعد كل وجبه خذي منه ملعقه كبيره امزجيها مع كوب ماء فاتر واشربيه وقدامك العافيه

شوفي هذا الفيديو رجال كان يعاني من القولون ثم امه اعطته وصفة الليمون والسكر وارتاح
واقرأي تجارب الناس بالتعليقات اللي ارتاحو مع الوصفه


عواطف تركي
عواطف تركي
بس للتوضيح بخصوص البكتيريا النافعه بروبيوتيك لا تاخذينه اثناء علاج الالتهاب بالادويه والمضادات الحيويه
انتظري موعدك بعد 5 أيام وبالمره استشيري الطبيب وخليه يوصف لك بكتيريا نافعه حسب حالتك الصحيه
لان البروبيوتيك ممكن يقلل مفعول المضادات الحيويه وبالعاده يوصف بعد الانتهاء من العلاج بالمضادات عشان يعالج الضرر اللي سببته المضادات اثناء العلاج
الجيل الجديد .
الجيل الجديد .
اشربي صمغ عربي وراح تشعري بالفرق