الناس اللي تعطي طاقة سلبية

السلام عليكم ورحمة الله وبركاته




كيف تتعاملون مع الناس اللي تعطيك طاقه سلبيه فضيعه يعني تكونين مرتاحه ومبسوطه وتكلمك تحسسك انك ولا شي ولا لا لا انتي مو مبسوطه
يعني مثلا تكونين مرتااااااحه قمة الراحه وسعيده في حياتك جدا صح تمنين توظفين بس مو واقفه حياتك عليها ولا همك وتبين يا وظيفه كويسه يا بلااااا
تكلمك هي تحسسك انك اخر وحده فالعالم ماتوظفتي وان كل البنات توظفوا وانك تعيسه لا لا تحاولين حتى لو تقولين عكس كذا تشوفك كذابه لا اكيد انتي تعيسه
واشياء كثير فالحياه هذا بس مثال
مثلا تحسسك ان زوجك سيء وانه فيه ومافيه ولا يحبك كذا مثلا تقولك احس زوجك مايحبك مع ان الحمدلله زوجك يموووووت فيك ومايرضى عليك ويحبك بس ماله داعي امشي واقول زوجي يحبني قالي فعلي هذا شي خاااااااص وتحسسك شوفي كيف زوج فلانه وعلانه افضل من زوجك
ع فكره هي زوجها يضربها ومبهذلها خيانات اقولها لا زوجي مايضرب تكذبني يااااعالم تقول مو معقوله كل الرجال يضربون 🤐 وتحاول تدور اي عذرووووب لو نتفه وتكبره تكبره فعيني ودي اقولها انتي من اللي شفتيه جاتك حاله نفسيه
بس مااقدر مااقدر اجرحها 😔


مثلا تقولي اجلسي عند اهلك ليه تروحين بيتك ماانتي مرتاحه فبيتك مع اني ارتاح فبيتي اكثر من بيت اهلي بس استحي اقولها كذااا احط قيمة لاهلي مهما كان اقولها مااقدر لازم اروح تقول ليه وش عندك ماعندك اطفال يدرسون اجلسي عند اهلك بس مدري يعني هل المره تحتاج سبب يخليها تروح لبيتها وزوجهااا ؟؟
تقول حياتك عند اهلك احسن ليه تروحين له مدري على اي اساس تحكم ان حياتي هناك احسن 😂 مع ان حياتي مع زوجي احسن والله بس صعبه اقول هالكلام !
والله شي غريب مااعرف ارد عليها 🤐




مع ان حياتك افضل من حياتها بمليون مره
وتقدرين تردين عليها وتسكتينها بس فنفس الوقت ماودك تجرحينها وتحبينها وتدرين انها تحبك
بس هي كذا طاقه سلبيه متنقله 😔
كيف تتصرفين معها ؟
لانها فعلا تقلب مزاجي من الى اذا كلمتني ولا اقدر اقطعها احيان اعصب ع زوجي بدووون سبب بس حشتني طاقه سلبيه عليه
مهما اقول ماهمني كلامها يكفي اني عارفه نفسي لازم القى نفسي فجأه تأثرت