الناس اللي زي كذا وش رأيكم فيها

بنات انا مادري الغلط مني او منهم
حنا اقارب يعني من يوم الدنيا نطلع مع بعض من قبل
٣٠ سنه وأمهاتنا مع بعض عماتي وبناتهم وحريم اعمامي
طلعتنا مافيها رسميه وشبه أسبوعيه المصيبه وين
بنات فيه من هالناس اقسم بالله حتى منديلها
وصخها ماتشيله يعني حنا نفرش القهوه ونظف القهوه
ونفرش العشاء ونظف حوسه العشاء وهي بس ياكلن
وتتمسح بالمنديل وترجع تتكي وتتفرج علينا وحنا نظف كاننا شغالات !!
لدرجه تجي تدودل أيديها بدون حلى وماشاء الله
تاكل كل شي وبكل وقاحه تقول وين الحليات
ليش التشكيلة اليوم مو مره
جيبو اصنام زينه
كلمت امي قلت ماراح اطلع دام كذا مافي تعاون
امي قلبت علي وأننا بنسبب مشاكل كذا
اقسم بالله يابنات حريم كبار يقومون يضفون السفره
وفيه بعضهم بنات متزوجات بالثلاثين وفوق حاطين
رجل على رجل
هذا غير القطه احيانا

تتعمد تجي متأخره عشان ماتدفع الاستراحه تقول انا
ماجيت الا على اخر الوقت ان مثلا نصير مستأجرين شي
زي ألعاب او نططيه تجي ع اخر الوقت وتلعب هي وعيالها
وترفض تدفع بحجه عيالي ماجو مثل عيالكم من العصر !!
لين هنا قولو تحصل كثير
لكن اللي انصدمت منه مادري اقول الله يهدي امي
او الله يسلمها اللي عودتني اني اكون ذوق وعودتني
على عادات العرب اللي نحترم الضيف ونسوي ونحط
للضيف ايش صدمني وحده من ضمن الحضور اللي
قلت لكم عنهارتحلف بالله
تقول انا اذا بيجوني ضيوف او بنات خالتي او اهل زوجي لبيتي
أعلمهم جيبو قهوتكم وحلاكم والشاهي والفطائر
معكم اني مأسوي ولا شي
جت وحده قالت صادقه انتي ؟
قالت اي والله فاضيه لهم اجلس اسوي لهم
وسالت وحده دايم تروح لها
تقول اي والله اننا اذا رحنا لها
حنا ناخذ قهوتنا
بكل امانه انصدمت وحسدتها
اللي طالعه على الدنيا كذا
حنا تعلمنا الكرف والسنع والتقدير للناس
ولا فادنا اي شي من اللي تعلمت
امي الله يهديها جدا جدا
تقدس الناس وكل شي عندها عيب
يعني لو مثلا عندي عزيمه وبقول لقريبتي
تقدرين تسوين معنا او تساعديننا امي عندها عيب
الشي هذا ولو سوت وحده معنا امي تغثها
ليش مكلفه على نفسك ليش تسوين وكذا
هذي هي تامرهم جيبو معكم !!