الناس اللي كذا كيف تتخلصون منهم

بنات قسم بالله تعبت نفسيا من صديقه لي
شفتو كلمة نشبه قليله بحقها
كنت اعرفها من ثاني ثانوي لي معها عشر سنين
الان كنت اقول طبع النشبه ووساعه الوجه اللي فيها
عادي تحتمل دام ماجاني منها شر وخاصه انها من ضمن
القروب يعني قبل فكرة لو بسحب عليها
مضطره اقابلها بكل طلعه مع القروب
بقولكم من اول اسبوع عرفتها وهي نشبه وبلوغه
يعني تبي تعرف كل شي عني وعن أسراري وعن بيتنا وعن اهلي وعن اقاربي وعن ابوي وامي وخواتي واخًواني
كل كل شي تسال وتنشد عنه كاني جالسه مع عجوز
لو شافتني رفعت الجوال يعني اسولف مع احد
تقعد تسال من تكلمين وش تقولين انتي وش بك
بس عيونك على الجوال
لما مثلا تنشب فيني تعالي ولا نطلع واصرفها لان مالي خلق
تقول خلاص اجل سوي القهوه يالله جيتك
خاصه ممن لما صارت تسوق
وانا متوهقه فيها
ماغير تشغل سيارتها ولا اردي الا هي نطق باب بيتنا
والله يابنات لو كل اسبوعين كل شهر عادي
لكن مو معقول كل يومين طابه علينا امي صارت تتضايق
ياما تجينا ياما تغثني امشي نطلع
صرفتها ولا تفهم ترجع تنشب من بكرا وبعده وبعده
عندها طويلة بال بحياتي كلها ماشفتها على احد
اخر شي امس قهرتني يعني صاير بها
طبع التدخل وهالشي اكره انا كل شي ممكن تتحمله
الا احد يتدخل بشي خاص فيني لو باهلي
هي تعرف ان اختي تتحجب
تجلس كل شوي تجدع علي قداما لبنات كلام
تقول اختك للحين تتحجب ؟
انتي ليش رايحه الكوفي اللي كله اغاني وش تبين بهالاماكن
جيت بعاندها قلت انا احب الأماكن هذي !!
بعدين تقول انتم بمجتمع منغلق
لازم اختك تتغطى
ولازم انتي ماتروحين كل شوي كوفيات
ترا الناس والمجتمع بس يهرجون
جيت قلت وش علي من الناس انا انا قناعتي
كذا قالت لا عليك من الناس غصب
يعني شفتو اللي صايره تبي تمشي كل الناس
نفس افكارها هي أهلها متشددين
جدا جدا لدرجه واحد من اخوانها كان شبه بيروح لداعش
زمان من شدة تشددهم
وضد كل حقوق للمراه هي
وكل شوي تقول انتم تقلدون كل وحده تشوف
صديقتها تتحجب تروح تقلد ماكنتو كذا قبل
تتكلم بشكل عام هنا
قلت قبل كل شي ممنوع كان
حتى اللي مو مقتنعه بالعطاء كانت مجبوره
تتغطى عشان العادات وعشان انه اجباري زمان
بنات حومت كبدي
كل شي تدخل فيه لدرجه قلت لها بوجهها
كلن حر ب افكاره
ودان اهلهم راضين وش دخلك
وقلت لها مره ان كل اقاربي ترا يتحجبون مو بس اختي
قالت
وأنتم تقلدوونهم ؟
قلت وش دخل نقلدهم كلن وقناعته
انا من النوع اللي احتتتتتترم الشخص اللي
يكون ملتزم يعني رحت لناس او طلعت مع بنات ملتزمين
مستحيل اكشف او البس قصير او اي شي احترام لهم
مآخذه فكره كذا اللي فهمته
من كلامها ان امها تخليها تقطع علاقتها
مع اي بنت تطلع كوفيات او تتحجب😂
يحسون انها بالنار
فهي جالسه تسال ليش دايم تروحين
ليش اختك تتحجب كل هذا تخاف ان امها
تدري
وتقطع علاقتها ولا نحصل احد يعطيها وجه
بنات تعبت نفسيا منها حاولت بكل الطرق
اكرها فيني لكن ابد
والله انها تشكل لي امس تقول وحده اقاربها
صكتها بلوك ووحده من صديقتها
اللي كانت مره معها كارهتها ولا ترد عليها
لما سالتها ليش يسون معك كذا
اكتشفت انها تدخل فيهم يعني تبي تفرض
قوانينها عليهم زي قاعده تتكلم لي عن صديقتها
ان افكارها متغيره وشكل احد كغيرها
وأنها تبي تكشف ومدري ليش قلت طيب عادي
كيفها شي راجع لها
قالت لا لا
هي ماكانت كذا
ليش فجاه صارت تبي تتحجب
وان امي قالت لي لاتماشين فلانه خلي علاقتك سطحيه
معها تخيلو !!
عرفت من هنا
ان كل همها الكلام
يعني تحملت انها نشبه
وتقط وجهها ولا يهمها واذا بغت تجي تتشرط
ابي حلى كذا وابي عشاء كذاً
وتحملت انها بس تسال عن اخبار اهلي
وأقاربي
وتحملت اشياء كثيره ثانيه
لكن توصل تبي تفرض رايها عليها
وامشو على افكار ي لا
انا من الآخر ودي اقطع علاقتي فيها
لاني تعببببببببببت من كل شي ومن مشاكل مع اهلي
بسببها كل يومين ناطه لي نطق الباب وتجلس
لين١٢بالليل من المغرب
لاتقولون صرفي او لاتردين لان ماينفع معها
حتى سناب امي عندها تروح تكلمها وينها ماترد
قسم بالله عمري ماشفت مثلها