الناس الملقوفه

شر البليه مايضحك
الناس صايرين مجانين
او مايشوفون عيوبهم او ايش
بقولكم الموقف
وكل وحده
تحط نفسها مكان امي
امي طلعت جمعه اقارب وفيه حرمه كبيره عمرها ٦٥
هذي جده لها بنات كل سنه لا مو كل سنه
كل عطله برا
ولها بنات ولدها كلهم يدرسون بامريكا
وبدون محرم بس ابوهم اللي هو ولدها
راح وجلس معهن شهرين هم ثنتين ورجع
وحنا كنا مسافرين الاجازه هاذي
لندن
بكل وقاحه تقول لامي
هالحرمه
وش تبين بديرة اليهود رايحه لهم!!
طيب وبناتها!!
وبنات ولدها اللي مهيتتهم بديره اليهود عادي حلال
قسم انقهرت لما امي تقول مارديت سفهتها
امي ياعمري اعرفها
مو حقت ملاسن وتجديع هرج وانحرجت واسكتت
لو بمكانها وش بتقولون
مع اني عارفه لو طلعت بترجع تجدع هالكلمه
تكفون ابي كلام يسكتها