الناس النشبه والمصلحجيه كيف التعامل معهم؟

شوفو بنات انا ديني ولا دين الشخص اللي يتمسح ويتصلق
عشان مصلحه يبيها منك مو حب فيك انا اللي اعرف ان
علاقته فيني موب انانيه ولا مصلحه اقسم بالله افديه بروحي
عندي بنات خال ثنتين وحده ٣٤ عمرها ووحده٢٠
من يوم خالي تزوج امهم قبل ٣٥ سنه وهي كذا
داخله بشرها وكارهه خالتي وامي وجدتي الله يرحمها
يعني لدرجة خالتي تقول ان خالي كان يضرب جدتي لعيون زوجته
كان يقهر جدتي ويروح لمرت ابوه ويقدس مرت ابوه عشان يقهرون جدتي يعني
مرت خالي قاطعه خالي انقطاع تام عن اهله من قبل نجي حنا للحياة
ماتت جدتي قبل ٢٥ سنه وامي نست الماضي لما جابت عيال وكانت امي تحاول تلطف العلاقه تكلم مرت خالي باوقات
عزاء او فرح يعني تقوم بالواجب لكن سبحان الله
الحرمه ماتبي اي شي معنا وخالي نعتبره ميت اصلا لهنا قولو كيفها
وهي بيرجع لها كل شي تسويه كنا حتى اذا تجمعنا بالشاليهات
الواحد مايسلم منها تجدع على الناس هرج يعني فيهم وقاحه كانت امي تبينا نصلح العلاقه مع بنات خالي
وانه اقارب واطلعو معهم ومدري ايش كنت اقولها
يمه مايبوننا نجبر انفسنا ليش ع ناس مايبوننا
يعني بنات خالي ذولا يخبون كل شي عنا مع انهم
عندي بالسناب تغيرت السنه هذي شي بحياتنا والله رزق ابوي واشتريت سياره وطلعت رخصه وابوي اشترى شقه بمدينه جده
صرت لما بديت اسوق اخذ بنات عمي لان من يوم انولدت
وانا معهم صارو ٢٤ ساعه معي بالسياره ندور ونتمشى
وكافيهات ومطاعم وفله وكل شهر نروح جده نسكن بشقتنا
وكل هذا كنت اصوره سناب
بعدها
فجاه تدخل بنت خالي ولاحظو ام ٣٤ وباسلوب امر
فاضيه اليوم تطلعيننا نتمشى ونروح كوفي؟
قلت لا ماقدر عندي طلعه
وانا اكذب ماعندي شي
بس هي لما شافت كيف انا واختي حياتنا مع بنات
عمي وكيف مابيننا رسميه ولا انانيه تبغى نمشيها
زيهم تقارن نفسها فيهم!!
انا توقعت تفهم وتسكت
والله ثم والله يابنات هذي ٨ مره ترسل لي
سناب قبل يومين صرفتها
قلت ماتوقع نفضى بسافر
فجاه شافتني امس مصوره بكوفي وتنشب مو تقولين بنسافر
متى تبين نطلع ؟ يعني تحسبون قالت انتم تروحون
وحنا نلحقكم كمجامله
لا متى تمروننا نطلع ؟
شقتكم متى تصير فاضيه نروح لها حنا وياك؟
شفتو الناس الوقحه اللي زي كذا بالغصب
هذا كيف تتصرفون معها
انا جدا جدا حاقده من موقف صار زمان
قبل ١٠سنه
كنا طالعين استراحه بعيده مره معهم ومع كل اقاربي
فجاه امي توهقت ماحصلت احد يرجعها
قالت لمرت خالي ولبنتها الكبيره تقدروو ترجعوني
والله مالقيت احد ورفضت بكل وقاحه مرت خالي
بحجه مافي مكان
وتسوي نفسها مجنونه بالاول يقالي ماسمع اول ماقالت لها امي
لما عادت امي اكثر من مره الكلام
والحين بكل وقاحه يرسلون يبغون الواحد يجي ياخذهم ويمشيهم ويرجعهم لبيتهم ويسافرو ويسكنو ببلاش
زي هالناس ماشفت المشكله ماتستحي
يعني ياليت وضحت
لا تنشب الا غصب تعالو مرونا
لو عندكم زي هالنوعيه كيغ التعامل معهم
وامي ياعمري ع نياتها تقول عادي خوذوهم
يعني وينها قبل عنا ؟
قبل كانت اختب كل فتره تدخل عليهم
وتسال وتقول تبون نطلع يرفضون فجاه
ماندري الا هم طالعين مع ناس ثانيه او مسافرين بدون
حتى مايوضحون ومره راحو تركيا وكانت حنا حاجزين بعدهم
جت اختي سالت عن كوخ بنت خالي مصورته
ايش اسمه وباي منطقه متخيلين النجاسه رفضت تعامها
ورفضت تعطيها تجلس تسوي نفسهز مجنونه
تقول هذي قريه بالرياض اسمها كذا
ومره سالتهم اختي عن حلى بعد ورفضت تعطيها طريقته😂😭
يعني ناس انجاس كذا طبعهم هم مايعلمون شي
ولوً يشوفوني بالشارع مالقيت احد يوصلني عادي جدا
يمشون ويتركوني ويقولو من انتي مانعرفك!!
ولا يتواصلون معنا لا بحزن ولا فرح وبكل وقاحه
ناشبه لي لها اسبوعين ولا اعرف كيف اعطيها بالوجه
عشان تستوعب وتفهم