الناس الي تكذب واااجد

السلام عليكم حوائيات ....
بنات في وحده قريبه مني ؛ هالحرمه فيها عاده موب زينه ؛ مشكلتها تكذب وااااجد لاا و بعد ما يبان عليها ابد 😳😳
مثلا في ناس لما يكذبو ؛ يتلعثمو ؛ يتوترو ؛
المهم ينكشفو ، تحس عليهم .... هذي لاا ؛ تقعدون تسولفون و تندمجوووون و تضحكين و فايته بالجو ... لدرجه يا اخوووات تقنعك تماااامااا ما تحسها تكذب عليك ابدا !!!!
و يا ريتها تكذب بقصص من نسج خيالها .. لا قصص عايشينها ... و لما اروح أتأكد من الموضوع اطلع مصدومه 😖
المهم من زووود الكذب !!! ابي اوقفها عند
المهم انا المده الاخيره صرت اصحى و افطن لحديثي معاها و اكشفها و ما ابين لها اني متتحسه من كذبها .. لاني بشكل يوومي تقريبا اشوفها .. بس مررره اضووج من كذبها و انقهر و يوم تكذب احس ان وودي بكلمتين اخليها تستحي على دمها ؛ بس لساني ينربط ما اعرف ايش اقووول
ترى انا ضجت منها ؛ و المشكله يوميا بقابلها و نقعد نسولف و المشكله يا بنات تكذب مرات باشياء تخصني قداااامي مثلاااا :
مره في عرس ؛ انعزمت عليه ؛ بس طلعلي ظرف يومها و ما قدرت اروح : المهم انا ما علمت احد اني موب رايحه ؟!!! الكل عباله اني راح احضر العرس ؛ ( لانه عند جماعتنا و الكل رايح )المهم يوم العرس طلعلي ظرف ما خلاني احضر العرس
ثاني يوم كان عزيمه عندنا ؛ قعدنا فالعزيمه الا تقولي ؛لي ما رحتي ع العرس مبارح ، تعذرت قلت لها ظروف ؛؛؛ المهم و تقولي : انا سالت فلانه(اخت زوجي ) اذا فلانه( قصدها انا 😅) تبي تروح العرس ؛ خليها تروح معانا لانا رايحين سواا ؛ قالت فلانه( اخت زوجي ) لا منى قالت انها ما تبغى تحظر العرس !!
انا انصدمت و بلعتها 😳😳😳😳😳 انا كنت راح اروح العرس ؛ بس لولا الي طلعلي كان رحت و انا ما قلت حق احد اني ما رح احظر العرس و ثاني يوم سالوني جماعتنا ليش ما رحتي ؛؟
و بعدين اخت زوجي راحت مع بنت خالها حق العرس و انا شفت اخت زوجي و بنت خالها لما ركبوا بالسياره و راحو العرس ؛ لان بيتهم مقابل بيتي ؛؛؛، يا ربي مدري شلووون بلعتهم سواا مع اني اعرف انها ما تطيقني و مستحيل نروح سوا ما في شي يربطنا 😶😶😶
و ترى دايم أشوفها و صعب اقطع علاقتي فيها ؛
يا اخوات أعطوني كلمتين اطقها فيهم ; ترى لساني مربوووط 🤓 دايما ابغى أرد و استوقها بنص الكذبه قبل لا تكمل بس ما اعرف أرد ☹️
ي الملسنات تكفووون علمونا ... 😐