الناس بدت تبدع في حفلة الخطوبة أبغى أبداعاتكم ياحلوين

صباح الخير على عالوجيه السمحة كيفكم وشخباركم أنشاء الله تكون بخير

أنا يالغاليات عندي أخت حلوة مثلكم خطبتها عن قريب وهي ماعندي غير

هالأخت هذي الغالية علي وأشوف الناس بدت تبدع في حفلة الخطوبة علشان

كذا مالانا غنى عنكم يأمورات لأني أنا مالي خبرة بالأمور هذي الي عندها

أي فكرة جديدة عن الموضوع لاتبخل علينا كذلك فكرة تقديم البوفيه (العشاء)
أيضا أيش أحلى فستان من ناحية الأللوان تلبسه كذلك أبغى طريقة تقديم

الشبكة الي هي عبارة عن الذهب يقدموه أهل الزوج أيش أحلى طريقة لتغليفه
أيضا الهديا ألتي تقدم للمدعوين ......

معليش كثرت عليكم تراي طماعة مرة وعقبال الجميع أولهم سمر كيك:26: :26: :26: :33: :33:

في البداية أرحب بالجميع و الصراحة هذي أول مشاركة لي في المنتدى مع أني دائما حريصة على متابعة موضوعاته لأنها و بكل صراحة مفيدة و حلوة.

و بالنسبة للأخت سوسن أقول لها تامرين أمر أنا بعد خطوبتي وايد قريب و مازلت أجهز لها
بخبرج عن بعض الأفكار اللي أنا سويتها و طبعا وايد ناس سووها قبلي
مثلا :
1) الهدايا:
اشتريتهم بدون أي تغليف هم عبارة عن آيات قرآنية و قمت بتغليفهم على لون الفستان و اخترت اللون الوري يعني الجلاد كان وردي على لون فستاني

و بعدين اشتريت شرايط اللف و وضعت الشريطة على جنب اليمين او اليسار بشكل طولي و بعدين حطيت شريطة ثانية على العرض و بعد هذا قمت و طبعت اسمي و اسم خطيبي و حطيتهم في التقاطع اللي نتج عند وضع الشريط في النهاية اتشكلت عندي هدية كأن امسوتنها في المحل و بشكل جميل و على لون الفستان. بس ترى اذا بغيتي اتغلفين الهدايا روحج ابدأي من الحين لأن الصراحة تعب.

2) الوردة:
باقة الورد لازم اتكون على لون الفستان او اذا كان الفستان فيه كذا لون اختاري اللون اللي نادر في الفستان عشان يبرزه و طبعا خلي المكياج على لون الورود.

3) الشبكة:
وديها للمحمصة عشان التغليف و الحين تموا عندنا في الامارات غالبا ايحطون الطقم بصينية و الريال في المحمصة ايغلفها يعني ايحط مثلا الطقم في الوسط وورود صناعية على الحواف او طبيعية بشكل مرتب و جميل و الطقم لازم ايكون مفتوح مع الدبل و اذا ايضا في طقم ساعات بس أثناء التغليف اهتمي بتزيين الاناء اللي بينحط فيه الطقم مثلا اذا كانت صينية او سلة لا اتغلفينهم من الخارج عشان حزة الحزة ما تيلسين اتشيلين الورق :)

أتمنى اني ساعدج و اذا حد ثاني عنده فكرة افيدونه ترى موعد خطوبتي قريب وايد و منكم نستفيد :)

السلام عليكم ورحمه الله
_____________________
الف مبروك للعروسه اخت السوسن
شوفي اختي بقول لك بعض الا فكار وان شاء الله تعجبك
لبسي كاسات العصير اللي بتتقدم للعرسان بلون الفستان وكمان المباخر وكل الاشياء اللي تتبع العروسه
وعلب الحلو المقدمه لضيوف لابسوها نفس اللون والهدياء كمان
بنسبه للالون تشوف اللي نازل منها وتختار وهي وذوقها
وهذا اللي عندي ياسوسن لاتنسين باركي للعروسن بأسمي والف الف مبروك

الف الــــــــــــــــــــــف مبروك
:33:
اختي اقترح عليك لكاسات العـــــصـير وضع الفرو على اعلى الكاس ثم ربط فيونكات من الشرائط بلون الفستان والصحن كمان حطي على اطرافه بالفرو الابيض واحضري وساده "مخدات صغيره" ولبسيها فرو وثبتي فيها شرائط بلون فستانها وضعي الطقم عليها..انشالله اكون ساعدتك...:27: :27: :27:

انا رايي من راي الاخت مع الايام
بان تكون الخطوبة مختصرة والمبالغ اللي تصرف على المظهر
ممكن تستفيد منها اختك في تجهيز نفسها بشكل افضل
او في شراء اشياء لبيت الزوجية على ذوقها وتبين لمساتها على بيتها
وبارك الله لهما وجمع بينهم في خير