الناس بدت تلاحظ وتنقد

الموضوع ومافيه بنتي
عمرها 4 سنوات و 4 شهور
من صار عمرها سنتين بدت تظهر اعراض العصبيه عليها
وبان انها عصبيه و بكاية وصارت مزعجه الدرجة الناس يتضايقون
من جيتي بسبب بكائهارغم قبل عمر سنتين كانت تجنن وشخصيتها روعه واجتماعيه
بس من جبت اختها تغيرت وصارت بكاية
رغم انه اختها كانت تنام بعرفه منهزله وقت ماكانت بالشهور وبنتي الكبيره معاي
ومافرقت بينهم بس مدري وش جاها من صار عمرهاسنتين تغيرت قلت ممكن تكون
شقاوة اطفال وعصبية وطنشت وزادت عصبيتها للغيره وصارت من تشوف
بنوتة معها لعبه تغار ليش هي معها وانا لا اشتريلي ابي ليش ماتجيبين لي
وتجلس تبكي رغم انه مليانه اللعاب بس تضل تشوف اللي بيد غيرها
وعندها ولد اختي تعشقه ولا تبي احد يجي صوبه واي بزر يقرب منه
تضربه
غير انها اي شخص كبير يقولها شي ضربه وتحرجني بالضرب مع انها بعمر 4 سنوات
مثال سلفتي ركبت بالسيارة مع زوجها و اختها الصغيره عمرها بعمر بنتي
راكبه معهم قالت بنتي بروح معكم اخذها عمها راحت تضرب سلفتي وسحبت نقابها
وشيلتها وقالت ليش تحطين اختك بحضنك وانا لا وسوت احراج مع اني عارفه بتسوي كذا ورفضت ياخذونها بس ماسمعولي واخذوها وفشلتني البنت
غير كذا عندها عشق الشراء الالعاب بشكل جنوني الدرجة غرفتها
مليانه اللعاب وماعنده مشكله تشتري المزيد وتحرجني اذا طلعنا ناس تجي مثلا خالتي تناديها تعالي ياماما سلمي تنط بوجهها بنتي وتقول عندك اللعاب توديني اشتري اللعاب
انا ابي اللعاب وديني ابي يطلع شكل بنتي بايخ الدرجة خالتي نقدت على البنت
ومره بالسيارة مع زوجي ضرب بوري الراعي البقاله وجا راعي البقاله وبنتي فتحت شباك السياره وقالت للعامل عندكم اللعاب ابي اللعاب
واي شخص يسألها شلونك ياحلوه ولا اش اسمك ياحلوه ترد عليه عندك اللعاب تعطيني لعبه انا مره شريت لعبه يعني لو تقولين لها وش اسمك ردت عليك قالت ابي لعبه تشترين لي لعبه وتبدا تقص قصص ثانيه وماترد على نفس السؤال وتحيبلك سواليف زي مثال تقول انا رحت سوق لعبنا وشريت لعبه وكلام خرابيط الدرجة اللي قدامها ينقد عليها
وغير كذا لو احد قالها لا ياماما كذا غلط جت وظربته حتى لو شخص كبير ضربته
وتقول ليه يقولي لا انا اضربه لانه قالي لا
وكمان مره بنت خالتي معها بالونات بتطيرها كبيره بالعمر
وجت بنتي تركض طايره وطخخخخ تضربها مع يدها وتقول ليش تعطين اختك بالونه وانا لا ليش يا حماره البنت انحرجت من حركة بنتي
غير كذا اي طفل يعاندها تضربه وتحقد عليه اسبوع
وفيها غيره وعناد وتحب تاخذ اللي بيد غيرها
حاولت اعلمها بس عجزت اقولها اذا سويتي كذا نروح البيت تقول خلاص لالا وبس ادور ظهري تسوي اللي تبيه
كلمتها ظربتها حاورتها مانفع تعبت الناس بدت تنقد في اسلوبها
تخيلو اليوم مجتمعين مع خالاتي وكل الاطفال برى الغرفه ودخلت هي وقالت خالتي اطلعي برى كل الاطفال برى قالت انا برى وجت ضربت خالتي قالت انا برى ياحماره والفاظ غريبه
استحيت طاح وجهي كلهم قامو يطالعونها بأستغراب
كبيره وتسوي كذا مسكتها واخذتها برى وسكتت
غير مذا فيها طبع يقهر خالتي تأكل ولدها وبنت اختها وتمسك بنتي يد خالتي لا تأكلين البنت بس ولدك ياكل البنت لا وتطلع عيونها عليهل الدرجك خالتي قالت شيلي بنتك عني ابلشتني
المشكلة البنت عندي تجنن ومؤدبه وبرى تصير وحده ثانيه تخيلو البنات اللي بسنها مايبونها يقولون تضربنا مانبيه وانا اليوم كلمتها وقلت ليش تسوين كذا وقلدت حركاتها عشان تستوعب واستحت وسدت اذونها وقالت خلاص اسكتي
وكمان دايم مكشره ومعبسه اذا طلعنا بس مكشره ومطلعه عيونها وتتلفت تدور احد تضربه
يابنات تعبت منها اختها عمرها 3 سنوات شخصيتها مناقضه لها ادب واخلاق
وهذي مطيرتني خصوصا اذا خرجت الناس تطالع وتنقد عليها وعلى سوالفها
الدرجة خالتي تقولي بنتك اليوم انتبهت على حركاتها ومو طبيعيه مابي تتحسسي من كلامي بس الكل ناقد على بنتك وملاحظ ونصيحتي تودينها طبيب نفسي تشوفي وش يقول
مع ان بنتي ملاحظه عليها اشياء ايجابيه مثل
تعشق القطط الربويه وحنونه عليهم مره جاب خالي قطه ومره حنونه عليها وتقول ياقلبي وياعمري
وتحب اختها وتخاف عليها
وتعشق الاطفال الاصغر منها سنن وتخاف عليهم وماتضربهم
هذي الاشياء الاطبيعيه
تعبت منها الله يهديها