مس بسووم @ms_bsoom

عضوة نشيطة

الناس تفرح برمضان وانا شايلة هم

صباح النوور والسرور. بنات ابي ادرعم بسالفتي ام زوجي علاقتي معاها عادية مع انو فية مناوشات وتهجم وصواريخ مو كلمات تطلقهن علي بس انا وقتها اعصب بعدها انسى امس كنا عندها هي عندها 4 حريم عيال انا الخامسة وحدة منهم بنت اخوها امس كانت تقولي تعالي عندنا رمضان نفس العام اشتغلي اذا جا الليل روحي لبيتك لانها ماعندها الابنت وحده اكبر مني والباقي كلهم عيال المشكلة انو حريم عيالها كلن بتروح عند اهلها حتى وحدة ساكنة معاهم وبنت اخوها كلهن رفضن يجلسن برمضان يشتغلن ويساعدن وامس قالت قدام زوجي انو محد راح يطبخ لهم برمضان لان بنتها مشغولة تقراءقران وتصلي وتنام لين المغرب وانا العام والله اني لوحدي بالمطبخ وانا ماعرف اطبخ لعايلة كبيرة اخوانهم 5 وزوجي وامه واخته والله اصحى من الساعه 10 واطبخ نص ببيتي واجيهم عالساعه 1 الظهر اكمل وانا تعبانه وبنتي صغيرة والله اني 27 يوم برمضان وانا اشتغل ماعداء 3 ايام رحنا عمرة وبعد رمضان صارت تهاوشني وتقط علي كلمات وانا من الساكتين وش اسوي السنه هاذي تبيني اشتغل مع انو حماي كان يبي يجيب شغاله للبيت وهي رفضت تقول ماعندنا شغل كثير اليوم جلست اتذكر مواقفها معي برمضان كان حررررررررررررررررررررر موت ومطبخهم صغير ولا مكيف ولا مروحه وانا ميته حرررررررررر قام اخو زوجي الله يوفقه وجاب مكيف الصغير وحطة بالمطبخ وسوت سالفة وعيت تفطر ليش تشغلينه اذا خرب وجت زوجة حماي شافته بتهاوشنا بسببك وزوجي ساكت انا مابي اروح لاهلي يقلون عجزتي تطبخين لاهل زوجك خذي اجر برمضان والله محد يساعدني بعد الفطور بنتهم تتعب وتنام من الصيام وانا ارجع للمطبخ اغسل مواعين واخلص على صلاة التراويح ميت من التعب قولو لي وش اسوي اذا مارحت يتنيحس علي ابو الشباب واذا رحت ابي اتعب حريم عيالها ماتقدر تامرهم بس تقول قدام وجي ماوراهم رجال فابو الشباب يسوي انو مافية رجال غيرة تكفون عطوني حل يخلصني ومعليش طولت عليكم :44::44::44::44:

يلزم عليك تسجيل الدخول أولًا لكتابة تعليق.

تسجيل دخول

ورود الهناء • 13 سنة

ما اقدر اقول غير الله يعينك يارب

mooon1000 • 13 سنة

هلا

اختي الله يعينك ويفرج عليك عليك بدعاء اولا وحاولي تقنعين زوجك يجيبلك شغاله اذا مو عندها على الاقل ببيتك تشيل عنك نص الشغل وحبيبتي لاتكثرين على نفسك سوي الاساسيات بس كثري منها،،ان شاء الله انك فهمتي،وحطي كل شي بلاستك ،،اذا جتك شغاله اطبخي بيبيتك وبعدين روحي لهم والله يصلح مابينكم ياااااارب،،وعلقي قلبك بالله دائما.....والله مجرب،،لاتنسين من الحين الهدايا تهادو تحابوا..خبريني ع الخاص وش اخر التطورات

ماكني زوتها

كرزة2011 • 13 سنة

الله يعينك..
شوفي ياقلبي..
انتي بوقت زوجك رايق..وبلحالك فهميه وصارحيه بهدوء..وبعقل..
لاتنسين الكلمات الحللوة ..
قولي مثلا انا خالتي احطها بعيوني..بس انت تعرف البنت بتتعبني..
وممكن اساعدهم بس صعبة كل الشغل علي..
فهميه انه لك حق في العبادة..وانك ماتقدرين توفقين بين الشغل والعبادة..
وقولي يجيبون خدامة وانا بااشرف عليها.زواكون معها..ولا اختك تشتغل ..
اذا ماوافق..ولا قدر عذرك..روحي لاهلك..واكسبي اجرك بامك واخوانك..

وادعي ربي يهديه..ويسخره لك..ويهدي ام زوجك..ويلين راسها شوي..

*جروووح انسااانه * • 13 سنة

تقولين حريم عيالها خمسه

تقاسمو ايام رمضان بينكم

كل وحده بيكون لها 6 ايام من رمضان تشتغل فيها وبكذا يكون عدل

لينۧ آلـِـِـِـو'رد • 13 سنة

خطآك ضيع غلآك ! :

لا يمكنك مشاهدة هذا التعليق لانتهاكه شروط الاستخدام.

يسلم بؤؤك :39: