السلام عليكم
كيفكم اخواتي ؟؟؟صراحه بدي ادخل بالموضوع على طول لانه موضوع بأرقني ومزهقني بنفس الوقت
يمكن يكون بالنسبه للبعض منكم مش مشكله بس بالنسبه الي الموضوع مأثر علي
طبعا متلي متل غيري عندي علاقات اجتماعيه كثيره مع صديقات وجارات
وانا بطبيعتي بحب العلاقات الاجتماعيه ولكن بشروط اولها اني ما بحب تكون بشكل يومي لاني بحس نفسي مشغوله ببيتي واولادي كتير وعشان هيك مش فاضيه استقبل او اطلع من البيت كل يوم
وثاني شي انه اغلب اللي بعرفهم عندهم اطفال كثير واطفال مش عاديين يعني يقلبولي البيت قلب وبالنهايه بتصفي القعده مع امهم ما في منها فايده
ثالثا البعض وخاصه اللي علاقتنا فيهم عائليه يعني زوجي بعرف زوجها بدهم ايانا نطلع معهم كل اسبوع عالبحر او الحدائق او ما شابهه واحنا انا وزوجي برضه ما بنحب هاشي
نيجي للمشكله الكبرى اللي هي فيي اني بخجل من الناس هدول على اختلاف اصنافهم وما بقدر اوقفهم عند حدهم والتصرف الوحيد اللي بصدر مني بمجرد اني اتضايق منهم اني انسحب وبكل هدوء وببطل ارد على تلفوناتهم ...ولكن همه ما بيزهقو وبضلو يرنو علي لدرجه اني بتعب نفسيا
اخواتي الحبيبات ارجو منكم ان تنصحوني وتعطوني حلول وتقولولي من مين الغل مني ولا من الناس
حاليا من بين 7 صديقات انا مرتاحه مع 2 منهم فقط لانهم فاهميني وفاهمهم وخفيفين دم جدا
اسفه كتير طولت عليكم ولكن من غلبي
ام بتولين @am_btolyn
عضوة
يلزم عليك تسجيل الدخول أولًا لكتابة تعليق.
تسلمو حبيباتي على ردودكم الحلوه ...
والله انا فعلا بحاول اعمل اللي حكيتوه ولكن في ناس بحسها ما بتفهم هذا الشي يعني اذا انا خففت زياراتي وسؤالي بعملوها قصه وبضلو يلحو بالسؤال علي ليش ما بتتصلي وليش ما بتيجي وما بفهمو انه انا متقصده اني اخفف من زيارتهم لي ...الله المستعان
والله انا فعلا بحاول اعمل اللي حكيتوه ولكن في ناس بحسها ما بتفهم هذا الشي يعني اذا انا خففت زياراتي وسؤالي بعملوها قصه وبضلو يلحو بالسؤال علي ليش ما بتتصلي وليش ما بتيجي وما بفهمو انه انا متقصده اني اخفف من زيارتهم لي ...الله المستعان
الصفحة الأخيرة
بس انتي قولي لهم اني مشغوله ان شاء الله المره الثانيه
هذا الي عندي ان شاء يفديونك البنات