الناس خيبتها سبت وحد وانا خيبتي مالهاش حد !!!!! خربت بيتي بايدي تعالوا هونوها علي

السلام عليكم ورحمه الله وبركاته

والله يابنات مدري من وين ابدي
احس محروقه اعصابي ومرتفع ضغطي
ماااااااقول الا يالله دخيلك من رداة النصيب


السالفه ومافيها

السنه الدراسيه اللي خلصت كانت جدا متعبه وكئيبه بزياده
انا اشتغل الصبح وزوجي يدرس من الظهر لي بالليل يوميا
حسيت اني مخنوقه لا طلعات ولا روحات انحرمت من الطلعه مع زوجي وانحرمت من العزايم وجمعات الحريم بسبب دراسه زوجي
والمصيبه يوم الخميس والجمعه يطلع عند امه بمنطقه ثانيه ويعقد عندها كل نهايه اسبوع
آخ آخ ماابي اتذكر اللي مضى

المهم
ماصدقت جت العطله الصيفيه
 قلت بتنفس شوي ابجدد نشاطي واعوض اللي فات
بدايه الصيف جا زوجي وبشرني انه بيروح اوربا مع ربعه وخوياه <<<<< امحق بشاره طبعا
المهم سويت نفسي عادي لاني ادري ماراح ينفع معاه الكلام وانا من داخلي مقهوره وميته قهر :44::44:

طلبت منه والحيت عليه يوديني الشرقيه ابي اروح اغير جووووو احس مخنوقه مووووووت:icon33::icon33:

طبعا هو علقني وقال اذا رجع من السفر يصير خير
انا بنيت احلامي على روحه الشرقيه وقمت اتميلح عنده ابيه يوافق ويوديني
يوم رجع من السفر قالي مو اكيد نروح

نطرت ونطرت وانا فيني امل
المهم قبل اسبوعين وافق انه يوديني وعلم اخوانه الذكور كلللللللللهم
على اساس اليوم نروح

المهم
قبل فتره صارت مشكله بيني وبين سلفتي مرت حماي
وهي كانت بمنتهى الوقاحه وغلطت علي
انا غبيه غبيه واعترف بذلك رحت وعلمت زوجي بكل شي دار بيني وبينها
كان مرتفع ضغطي منها حييييييل

يوم جاء قبل يومين راحت سلفتي هذي نفسها مع زوجها اللي هو حماي الى الشرقيه مشووا وراحوا بدون لااحد يدري واللي سووه هو الصح

انا لما دريت انفعلت وزعلت وقعدت اقول لزوجي سبحان الله تركوا العطله كلها ماراحوا فيها
بالاسبوع الي انا ابروح فيه للشرقيه آآآآآخر اسبوع قبل رمضان راحوا الشرقيه ؟؟؟؟؟؟
هذا منك انت تكلمت وماكان له داعي تبلغهم الحين هي راحت قبلي عشان تقهرني
عشان الناس يقولون انا رحت ولحقتها بالشرقيه لاني غيرانه منها
الناس ماعليها الا من الظاهر بيقولون انا اقلدها
وهذي مو اول مره حتى الصيف اللي فات دروا انا بنروح دبي راحوا حجزوا قبلنا وراحوا دبي بدون لااحد يدري
قلت لزوجي انا خلااااااااااااااااااااص ماراح اروح الشرقيه بعدهم تنعاف
طبعا زوجي ماصدق خبر

بعدها بساعتين تعوذت من ابليس واستوعبت ان الكلام اللي قلته لزوجي غلط مالازم اقوله عن شعوري ناحيتها ولالازم اقوله بالاساس عن المشكله اللي دارت بيني وبينها بس شسوي انا صريحه جدا معاه ولاعرف امثل عليه واعطيه وجههين
ارسلت له رساله اعتذار عن الكلام اللي قلته وتاسفت منه
رجع زوجي بالليل وسمعني كلام يسم البدن
قالي انتي قلبك اسود وانتي تغرين منها وهي مادرت عنك <<<<<< مع ان والله يابنات العكس صحيح
والشرقيه ماهي مكتوبه باسمك ولا باسمها انتي طوفتي على نفسك روحه حلوه وانا كنت حاجز شاليه والغيت حجزه
ومن يومين وهو زعلان علي
اليوم تقربت منه وراضيته ورضى على وطاح الحطب وقال اعوضك بروحه ثانيه
قلت له ياابن الحلال نقدر نروح موعد روحتنا اساسا مافات
احنا متفقين نروح الثلاثاء او الربوع خلنا نروح ومالازم شاليه ابي اروح اغير جووووووو
قالي لا لا لا مافيه روحه وراح يعوضني بعدين

انا حسبته يعاند اثاريه يبي يروح عمره اول رمضان مع ربعه طبعا آخ آخ آخ
اسمعه يكلمهم بالجوال بوقت مانزلت الرواتب فيه ويبي هالقرشين اللي المفروض يكونون لسفرتي يبيهم يروح فيهم العمره



ادري ثم ادري ثم ادري اني انا غلطت بالكلام واني استاهل مايجيني
لكن للاسف صراحتي مع زوجي مبهدلتني مبهدلتني حييييييييل وهو مومقدر اني صريحه ومااخبي عليه شي
وانا احسب اني بصراحتي معاه راح اكسبه اثاريه يمسكها ضدي آخ آخ آخ يااغبائي



الحين يابنات احس اني مخنووووووووووووقه تصورا من امس مانمت بس ابكي
العطله كلها ماطلعت حاطه امالي بهالسفره وكله اسبوع ويجي رمضان يعني لازم اتفرغ للعباده
والله ماادري شنو اللي خلاني اتكلم اصلا وارفض السفره واتعنفص واقول فلانه راحت ماابي اروح اقسم بالله هذا مو طبعي اعوذ بالله ماادري ليش قلت كذا
والحين الي حااااااااارني حيل انه بيروح عمره وبيستانس مع ربعه
يعني كافي اول العطله راح اروبا وانا مقابله البزران واربع حيطان محبوسه وينهم

وين ادبر نفسي حسبي الله ونعم الوكيل
والله قاعده اكتب وابكي احسها سالفتي عوجااااا من مااوديها عوووجااا
حسبي الله ونعم الوكيل اقسم بالله من امس مانمت مانمت ولا حتى ساعه بكيت بكي عمري مابكيته