الناس صايرين مافيهم خير

مرحبا بنات
بفتح معكم موضوع
مضايقني كثير
ليش الناس صايرين مابهم خير
وكل واحد نفسي نفسي
ومصلحتي
انا مادري احنا مالنا حظ بالناس
او وش الوضع
يعني اعرف ناس
مايساعدون
ولا بهم خير
وبهم شوفة نفس
ولا يبون احد
مع كل هذا كلن يبيهم ويقدرهم
وناس العكس
بهم خير وحقين عزايم ومواجيب
وبيوتهم مفتوحه للناس
لكن ينصدمون من وضع الناس معهم
بقولكم ليه
امي لها صديقه من 30 سنه
متخيلين
وتصير هالصديقه اخت مرت خالي
يعني زياده على انها صديقه امي هي
اخت مرت خالي
هذي صديقه امي ميته عشان
تزوج بناتها يعني دايم
تسوي حركات الحريم القديمين
اللي تعرض بناته بطرق
ملتويه زي هذا طبخ بنتي
بنتي شايله البيت
بنتي تسنع بنتي وبنتي وبنتي
كل شي تحطه بالبنت
مشت بنتين من بناتها
بقت الاخير كانت بكل عزيمه
تجيب طبق وتقول طبخ بنتي
او تاخذها لعزايم
والله ماكتب لبنتها تتزوج
من طريقتها
انا لي صديقه الروح بالروح مع 12سنه
اعرفها صارت هالصديقه
تدور لاخوها عروس
جيت انا ذكرتها لهم!!
بنت صديقه امي
وامي مدحتها
فذكرتها لصديقتي
صديقتي ماشاء الله ناس عز وفلوس
وخدم عكس حياة صديقه امي
مع كل هذا
ذكرتها ابي الخير ونيتي كويسه
وصارت الخطبه ىالشوفه وتملكو وتزوجو

لكن الصدمه
ايش
ان لام البنت عزمت امي وقدرتها
واحنا سبب زواج بنتها
ولا صديقتي اللي ذكرت لها البنت
عزمتني
صديقتي تعذرت بطرق ثانيه
ان ماعطوهم دعوات الا 25
وحده وكلها راحت لاقاربها
ولما اغلطت وزل لسانها
اكتشفت انها عازمه خوات زوجها
وبنات جيرانهم وعازمه اغلب الناس
وانا صاحبه إلفضل واللي ذكرت البنت
لهم ماقدرتني!!
ونفس الشي حصل لامي
صديقتهل من 30 سنه
وامي سبب اني اذكر بنتها للناس
مع كل هذا سحبت على امي
وجمعت اللي تبي على مزاجها
لدرجه امي
انحرجت
كلن يسالها ان فلانه ماعزمتك؟؟
غريبه
عاد صديقتك
غريبه انتي ذاكره بنتها المفروض تقدرك
هذا اللي كان يوصلنا
لكن لاحظت الناس للاسف
مافيهم خير واخذت عهد
على نفسي
ماذكر احد
خاصه بموضوع الزواج
ولا علي من احد
لان شفت شي زي الصفعه
ع الوجه
من عدم تقدر واحترام
يعني تسعين لهم وتجمعين بالحلال
ولا فيه اي قدر لك
ولا عزيمه ولا تقدير الاغراب
واللي عمرهم ماذكرو بناتهم
صارو هم اهم وهم اول المدعوين
الحياة ماشيه بالعكس
انتي طيبه ماحد يبيك
انتي مافيك خير كلن يبيك
وكلن يقدرك
نفس هذي صديقتي اكثر من موقف
يجي منها
انا دايم اذا سافرت
مانساها والله يابنات
اجيب لها اشياء غاليه واشياء حلوه
جتني صفعه منها بعد زواجها
هي زي ماذكرت لكم ناس فوق عندهم
خير وفلوس والله يابنات
انها تروح ارخص الدول كانت مصر
وتركيا ماتذكرني حتى بحلاوه!!
وكنت اكبر عقلي
واقول يمكن مامداها
يمكن ماعندها وقت
بالمقابل بصدفه
احصل جايبه هدايا لبنات جيرانهم
وبنات تعرفهم
لكن اتركو سالفه السفر
ماهمتني
وكيفها انا اعطي اي احد عذر
اقول ممكن مامداها او مافي مكان
لكن سالفه
الزواج للحين وامي اكثر مني مقهوره
ان نسعى لهم بالنهايه مافي اي تقدير
والغريبين يصيرون اهم منا
يعني انا ماهمني اروح
بس كنت ابي تقدير مجامله
او امي اقل شي تحضر كتقدير لها
لكن ولا طقو خبر
والله ثم والله
ان وحده عرفت
من ضمن البنات اللي يعرفون
صديقتي
اني انا سبب زواج اخو صديقتث
اللي ذكرت وكلمت ام البنت
عن الولد وسالت لهم عن البنت من امي
واقاربي
قالت صديقتنا

بمزح لو اني منك اخذ حقي!!
الخطابه بكم تخطب مو اقل
من 5 الاف قالت كذا
وقامت صديقتي يتقلب وجهه وتضيع الموضوع
وتقول اقول لاتخربين البنت علي تقصدني!!
اخذته درس هالموقف
ان اغلب الناس الحين
مافيهم خير
لو تقطعين نفسك لهم
ماراح يشوفونك سويتي شي
بالعكس
اللي يقطع نفسه للناس
هو اللي ينسحب عليه