الأنانية :

يختي خلي رجل يشغل مخه في مليون وظيفة تأكله عيش زي الحلاااوه خليه يشتغل مأذون شرعي و كداد والله بيصير دخلكم بالألوفات المأذون وظيفته بسيطة بس يرح للمحكمة ويخلص اجراءاتها ويطلع رخصه وكمان الكداده بس يبيله سياره او اذا ماعنده يروح لشركات الليموزين ويعطونه ليموزين يكد عليه وكمان خليه يشتغل بحملات الحج ابوي الله يرحمه كان يشتغل فيها ويجيه رزق بس هالكلام من 30 سنه وانتي اشتغلي بالبيت مدرسه عربي للأبتدائي اتوقع تعرفين تكتبين وتقرين عربي و تعرفين للأملاء حطي لك كم اعلان بالمكتبات ووصي الي تعرفينهم او افتحي حضانة ببيتك والطفل على 700 مية كثير حريم يبون احد يمسك عيالهم بس لازم الامانه انتبهي لهم ويكون عندك غيارات لهم والعاب و فراشي للنوم و تلفزيون يتفرجون عليه ووجبات خفيفه يوم سندويش جبن وحليب و الخ او اشتغلي صبابة قهوة صلحي قهاوي وصبيها بالزواجات والله بيجيك فلوس بالهبل و وناسة تحضرين زواجات وتشوفين خلق ربي وما يبيلها الا قهوة وهيل و خلطة القصيم و يونيفورم للشغل (لبس خاص للعمل) او روحي لقاعات الافراح وقولي ابي اشتغل عندكم اي شي ممكن يحطونك تنظفين المواعين حقتهم او تساعدين بالترتيب والصب واذا ماتبين كلمي الموارد البشريه يلقون لك وظيفه بدوام رسمي وفي وظايف كثير للي ماعندها الا ثنوي بس يبيلك تفتحين مخك وخلي زوجك كمان يحاول يصير امام للمسجد او يأذن فيه ترى يجيه مكافاءه 2500 كل شهر بس لازم يلتزم وما ينسى المواعيد الشغل ملياااااان بس يبيله تفكير وتنقيب

يختي خلي رجل يشغل مخه في مليون وظيفة تأكله عيش زي الحلاااوه خليه يشتغل مأذون شرعي و كداد والله...

meme4ever :

غريب زوجك.. رافض انك تشغلين وهو ماعنده ثمن لقمه ؟؟؟ بعدين الرجل مايصير فقير الا اذا هو يبي كذا بالذات اذا شاب وبصحته.. وش يمنعه يحفر الصخر مو بس يشتغل؟؟ بس الظاهر استحلى الشحاذه.. شوفي لازم يدور شغل ثاني لو ماعنده سياره يكد خل يصير مندوب يوصل طلبات اقل شي المشوار 30 او 40 بالشهر يدخل 6000 بالراحه .. مو 500!!!!!! يشتغل بسوق خضار.. كاشير .. اي شي بس يدخل فلوس بدل التشكي والديون وانتي الحمدلله عندك موهبة الطبخ هذي بتخليك غنيه لو استثمرتيها صح اطبخي وصوري صور حلوه واطبيعها بالوورد مع رقم للتواصل واسعار مناسبه راح تجيك طلبات وزوجك يوصل ويأخذ حق التوصيل منفصل عن قيمة طبخك كذا تصيرون عملتوا مشروع صغير ويدر ذهب بس الجلسه ومراكمة الديون راح توديكم بداهيه ويمكن للسجن اذا ماعندك تبدأين مشروعك كلمي أبوك بما انه غني استعطفيه يسلفك لو ألف الف حلوه وتقدرين تبدين فيها مشروعك المهم اقري واستوعبي الكلام اللي انقال لك هنا الجلسه كذا غلللللللللط ممكن تجيبين ولد ثاني وتتوهقين زياده وقتها مااحد يلومك لو تطلقتي لان اذا دخل الفقر من الباب هرب الحب من الشباك بس أول حاولي تحلين وضعك

غريب زوجك.. رافض انك تشغلين وهو ماعنده ثمن لقمه ؟؟؟ بعدين الرجل مايصير فقير الا اذا هو يبي...