الناس لي تنفخ برمضان

السلام
والله انا اخاف من المشاكل كثير اي والله
والله قلت حق زوجي بودي كيس فيه صوف حق اختي لانه ليه لانها هي حريفة مصممة بالصوف ماتشتغل بس كذا تسوي وتتفنن وتهدينا واللهزوجها نقل بيت ملك الله يبارك لهم وزوجي كان مسافر انتداب للجنوب يوم نقلت ومايعرفه
ورحنا والله وقفنا جنب البيت اختي قالت انا عند ام زوجي بس زوجي موجود بخليه ينزل ياخذه
وزوجي قاعد يقاطعنا صوت
وين ياهي
زوجي قاله خير يالحبيب
يقوله ليه واقف هنا انت وش عندك هنا
قاله هذا بيت اخت زوجتي الجديد جاي انا وحرمتي نوصل لها اغراض
زوجي يعني محترم بس الرجال يبغى مشاكل
قاله اقول ليه موقف هنا
قاله زوجي طلع الصك حق اثبات ملكية الشارع
اي صك قاله
قاله الصك لي يثبت انه هذا الشارع مسجل على اسمك او اسم ابوك او واحد من عائلتك الكريمة او انطم مالك دخل
صارت قلة ادب من الطرفين ونزل زوجي لانه هو حليم يصبر بس بعدين يعصب مايتحمل خلاص ولا اشوف زوجي مسك لحيته اعوذ بالله قاله اقول انقلع ادخل بيتك ولاتكثر كلام ادخل ارمي بلاك عند زوجتك وعيالك تجي تهايط عندي علاجك كف اخلي ضروسك تنزل ورا بعضها طابور وطلع زوج اختي فك بينهم الين زوجي ترك لحية الرجال بحالها
والله فك بينهم وذاك يقوله خلك واقف بتصل على الشرطة تتهجم علي
صرت اصرخ لزوجي خلاص وزوجي قعد على السيارة قاله يلا اتصل عليهم خلنا نشوف ولا ليه تتصل الحين خلني بس اسويلك خريطة بوجهك تتصل على الاقل انسجن على سبب كويس وزوج اختي يهدي ويتعوذ ويصرخ الين جات الناس دخلت الرجال بيته وطردو زوجي ورجعنا
والله انا قلبي يدق لاني اخاف من المشاكل كثير والهواش بس ليه هالناس تنافخ برمضان يا اقعدو ببيوتكم يا افطرو خلاص رمضان شهر تسامح ومحبة مو عشان نتهاوش ونتضارب والحجة والله صايم ومالي خلق سلامات هذا ثاني موقف كذا اتعرض له حتى بالماركت تهاوشت مع حرمة بس قاعدة ترمي بلا عندي والله كنت بنتفها لو ماتعوذت من ابليس وطلعت وكله يقولك الاخلاق قافلة وصايم ومدري ايش
لي بتخرب موضوعي خلها برا