الناس مهيب الناس اللي نعرفها ! ولا العيد اللي نعرفه هو عيد ! وش صار بالدنيا

السلام عليكم ورحمه الله وبركاته ..

بنات ودي افضفض لكم واتكلم واطلع اللي بقلبي كله ..

ابي اعرف هالشي بس بجماعتي ! او احنا منبوذين ومرضااااا :16:

السالفه ..

قبل العيد نتجهز ونستعد بالعيد وجا العيد وجوا الناس اللي كل سنه نشوفهم .. ونعايدهم .. وضحك معهم ..

وناسه معهم ..

يوم شفتهم :( وش اقول ..

عُري بشكل ماتتخيلونه الافخاذ الركب الظهر الصدر طالع !

الشكل تغير من روسهم لرجولهم ! للاسوء ..

لا لبس لا شكل لا كلام لا احترام لا ذوق انعدم !!!

وتجي الوحده تحط رجل فوق رجل وتطلع البلاوي وتطالعك من فووووووووووووووووووق لتحتتت بكبر

وشفة نفس وتريقه وكلام وحش .. ليه كل هذا ؟؟

واللي تزوجت لساتها خلاص محد قدي انااااا فووووق انا احسن منك انااا محد قدي وشايفه نفسهااااا

وترفع جوالها وتدق والمجلس مليان من صغير وكبير ومتوسطين العمر وتكلم ( اهلين قلبي وحشتني ) !!!!!!!!

طيب انتي تزوجتي الله يهنيك بس احترمي الناس وكبار السن والحريم والاطفال ! معد فيه قدر ولا احتشام

ولا ذووووق ! شوفوني ياللي ماتزوجتوا موتوا قهر !!

والثانيه توها حامل بالشهر الثاني ماسكه بطنها واي واي بطني !!!!!!!!!!!!!!!!!!

استغفر الله العظيييييييييييم بتغيض اللي مو حامل ولها سنين ماحملت !!!!!!

واللي كانت سمينه ونحفت لابسه نص الفخذ وضيييق وبتغيض اللي سمينه !!!!!!! وماتكلمها الا بطرف عين !!

الله واكبرررر كانت تتمسك بالسمان وتاخذ تجاربهم وريجماتهم يوم تمكنت سحبت عليهم :35:

اللي تخرجت من الثانوي ودخلت الجامعه خلاص انا احسن وحده انا اطلق وحده داخله جامعه عليشه الملك سعود :hahaha:

والحين انا هااااااااااااااااي كلاس وانتي ياللي بعمري وجبتي مجموع مادخلتي ولا شي وجالسه بيتكم موتي قهر :/

واللي جايبه توزيعات بس لعيالهم وعيالكم معصي يعصاهم !! عيب والله عيب هذا عيد عيد عيد يا تتكفلين بالبزارين

ولا تحرممينهم يا امسكي يدك لين تروحين بيتكم :16: رحمت نظرات الاطفال يحترونها تعطيهم وسحبت عليهم اهم شي عيالي وعيال خواتي واخواني !!!!!!!!!!!!!!!!!

والعبايات المزخرفه والخربطه :35:

والمصيبه لاجت امهم تتكلم بدين وحرام وحرام واتقوا الله والعاري حرام واستغفر الله وبناتها

بكبرهم منكرررررررررر كانهم لابسات والله العظيم مايوهاتت وقسم بالله وحده اشوف صدرها واضح من برا !!!

يا نااااااااااااااااااااااااااااااااااااس اتقوا الله اتقوا الله اتقوا الله كيف تبين تتوفقين وتتسهل امورك وانتي بكبرك معصيه !

اذا الله وفقك بشي احمدي ربك .. العيد هالسنه غييييير النا تغييييييييييييرت ماهي الناس اللي نعرفها النفوس تغييييرت

الحين عرفت ليه اكثر اهل الناس هم النساء يارب تستر علينا فوق الارض وتحت الارض ويوم العرض ..