الناس واللي بعمر ٣٠ وفوق

بنات دايم اشوف هنا بالمواقع
والتويتر يتمسخرون على البنت اللي عمره ٣٠ وفوق
ولا تزوجت لكن كنا نقول
لاتتحسسون من كلام المواقع لان يمكن اللي تكتب
هالكلام طفله او مراهقه
لكن
لما يكونون بالواقع كذا وآخذين عمر الثلاثين
البنت اللي مو متزوجه كأنها عجوز وكانها ميته تبي الزواج
ذيك المره كنا بطلعه اقارب وكان فيه بنات كبار ٣٥ وفوق
متزوجات ومعهم عيال جت وحده شغلت سناب هند
القحطاني وكانت ترقص بشعرها جو ثنتين يضحكون
قالو ذكرتني باللي عمرها تعدى ٣٠ وبكل عرس هذا وضعها تبي رجل
ومره شفنا تحت بالكوفي وحده حوسه شوي لكن
تتميلح يعني البنت سمينه وشوي حوسه من ناحيه
المناكير والاكسسوار وتتكلم مدري كيف
جت قالت صديقتي. هالثلاثنينه ذي جالسه نحن تستعرض تدور رجل !!
قلت وش عرفك انها ثلاثنيه ومو متزوجه قالت واضح
انها ثلاثنيه وواضح من شفاحتها انها مو متزوجه
ودايم اذا شافو شي مثلا لحجي على بنت
يقولون لها وش بك كانك ثلاثنيه جاده
يعني اذا الله ماكتب البنت زواج بعمر العشرينات
خلاص لازم تموت؟
وخلاص ماراح يقبل فيها اي شخص وهي متعديه٣٠؟
والله العظيم مجتمع غريب
وحده مره تقول يوه انا ارحم اللي تعدو ثلاثنين
ولا تزوجو المفروض يجمدون البويضات!!
يعني قصدها راح عمرك
ونفس الشي وحده تقول الثلاثينية جو الشيبان
ماحد يحب العزباء بعمر ثلاثين وفوق الا الشيبان
اللي فوق ٥٠ولا الولد اللي حتى لو اكبر منك بالثلاثين يشوفك عجوز عليه
ويقول لاهله
وصدق خالي كذا فاشل وفقير ويوم بغى يتزوج
وعمره فوق ٣٥ جت امه حصلت له وحده جامعيه عمرها
٣٢رفضها قال هذا اللي ناقص اخذ عجوز كلها كم
سنه وتوصل سن اليأس انا ابي ببدايه العشرين!!
اذا هو وهو اكبر منها بخمس سنين
يقول كذا
مالوم صراحه الباقين ولا الوم الرجال
انهم يحتقرون البنت اللي بعمر ثلاثين
لان اللي نفس جنسها
البنات يحسسونها انها كبيره وان ماحد يبيك
وأنك عانس وأنك جو شيبان وأن الولد حتى لو عمره٤٠
يبي بنت صغيره بالعشرين اجل اعرف شخص مطلق
وعنده ولدين
وعمره بنهايه ٣٨ ويقول مابي الا بنت ماتعودت
٢٨ ومطلقه مابي
وهو مطلق ولما نقدت قلت ماشاف نفسه
مطلق وشايب ويتشرط قالو لي كلهم بالجلسه
هو رجل عادي مايضره
بالسلام !!
والبنت وش يضرها طيب ليش لو فيه بنت تعدى عمرها
٣٥ وتجلس تقول كذا تبي واحد اعزب وصغير ووظيفه حلوه له
الكل يهاجمها من النساء ويحسسونها بالنقص
لدرجه في نساء يقولون للي عمرها فوق ٣٠تزوجي
اي رجل لو شايب جيبي عيال اهم شي !!
خير بهيمه انا !!
ايش اللي تزوجي اي احد جيبي عيال ؟؟
ليش الاحتقار لكل بنت تعدت ٣٠ ولا تزوجت بالمجتمع