الناس يقولون حافز و زوجي،،، وانا اقول.....

السلام عليكم كيفكم حبايبي
بدخل في الموضوع على طول
انا متزوجة من ست سنوات وعندي 3 اطفال
زوجي حبيب و حنون بس مشكلته ماله امان يعني يحب الجنس الناعم
يعني ما استغرب اذا جاء في يوم من الايام وقال ابتزوج عليك لاني صدته كم مرة بعلاقة مع وحدة نعرفها بس انا ساكته لاني لو تكلمت مستحيل اقعد في ذمته لانها اهانة لي
وامي عارفة عن الموضوع و شايلة في قلبها عليه مررررررة
فقالت لي حافز لا يدري عنه وانا راح اجمعها واشتري لك ارض باسمك وباخذها ب 12 الف حتى لو بعيدة
المشكلة ان امي تصرفها وما جمعت لي شي ابد
انا قلت يمكن احتاجتها وبتدخل جمعية بعدين وبتشتري لي الارض لان امي اساسا مدرسه
طيب الحين نزل من حافز 14 الف وما رجعت لي الصرافة و انا محتااااااجة للفلوس ونفسي اشتري اللي خاطري فيه لان مصروف زوجي يالله يكفيني انا وعيالي و سداد رسوم جامعتي
وابي افتك من حنة زوجي سجلي في حافز انتي وش قصتك اكيييييد تنزلك من وراي
وتراه لو يدري بيتنجس علي وماراح يعطيني مصرووووف ابد
ففكرت اني اطلع بطاقة صراف ثانية واغير رقم الايبان تبعها عشان ينزل في الجديدة و اقول لامي ماادري ليش انقطعت
يابنات ادري ان امي تبي مصلحتي و خايفة علي لكن خلاص المبلغ اللي قالت لي صرفته كله و يمكن تشتري لي بعدين
وزوجي يلمح كل يوم وما ابيه يصيدني ابداااا ماابيه يصير شكاك وان مالي امان
فوش رايكم رضا امي والا رضا زوجي
واساسا في الدين من اللي مقدم رضاه على الثاني الام او الزوج
جعل اللي ترد علي ان الله يرزقها من حيث لا تحسب