الناصحات بردود .

السلام عليكم ورحمة الله وبركاته .
ملاحظه كثير مواضيع تتكلم عن مشاعر الزوجة الأولئ ...الخ .
هنا كلامي عن بعض الناصحات ،
اللي تحرش واللي تخبب الزوجة ع زوجها .
واللي تحرش الزوجة ع شريكتها .واللي تبي تخرب عليها تحسب نفسها ناصحه وهي مفسده زوجة ع زوجها .خااافن ربكن !
وشذا ؟!! هذي نصيحة .تنصحين فيها اذا ماتعرفين الا الخراب والتحريش لا تنصحين ادعي لها .ولا لا تدعين ولا تردين فكي المخلوقه.
هي موناقصه !الوحده تنزل موضوع من هم او حاله نفسيه تمرفيها تبي كلمه طيبه نصيحه طيبه .تقويها وتعينها ع دحر الشيطان .موتجي وحده تعين الشيطان عليها !!
واللي تقول شغلي كيد الحريم !اتقي الله اتركوا الناس الطيبه ع فطرتها لا تخربونهم في المكايد والغل والحقد وفكر المؤامره والحرب !
أنتم برد ممكن تفسدون بيت وتشتتون العائله لان الرجال متزوج والمسكينه هي اللي بتخسر بيتها وزوجها لومتزوج .وممكن عيالها .
الرسول يقول (لعن الله من خبب زوج ع زوجته وزوجه ع زوجها )
والتخبيب والتحريش والتحريض والخراب !
اتقوا الله ..في كل وحده تشكي ان زوجها تزوج عليها او من شريكتها هذا موضوع حساس الشي اللي انتي تشوفين نفسك ماتتحملينه وممكن تصلحينه وفيه خراب لا تكتبينه احتفظي فيه لنفسك كل وحده لها شخصيه وكل وحده لها ظروف . فلاتكتبين شي ممكن يؤخذ فيه ويكون فيه ضياع لانك مومثلها واهلك مومثل اهلها هذا اذا اهلها عايشين .وزوجك وشخصيته مومثل زوجها ونصيحتك ممكن تنفع مع وحده لكن ليس بضروره تنفع مع أخرئ .
وبعدين اللي تحرش ع شريكتها خيررر . ليش يابعدي هي يوم تكتب نعذرها من قهر وغيره
علينا ...نعينها بنصيحه وبدعوه ونذكرها انها ماجت وأخذته منها هوالمحرروس جاها وننصحها بصبر ونعينها ع الشيطان ثما...تجيك وحده ماندري عن حالتها النفسيه تكتب وتشحن وتحرش وصلحي وكيدي وتعطي من ها الامل انه بيطلقها وبيمل ونزوه ويرجع لك .ياحبيبتي لوربي كاتب لهم التوفيق غصب عنك بتستمر معه بس لا تحرشين المسكينه ع زوجها .
ولاانكر ان فيه حكيمات وخلوقات ردودهن بلسم ع القلب وتحصلها لو الموضوع ممكن يخليها تنفلت برد سيئ تتجنبه .
وسلامتكم.