بسم الله الرحمن الرحيم
السلام عليكم
عندي شي بقوله لكم ياحريم ويابنات
انتم ملاحظين ان الدنيا تغيرت والناس تغيرت بعد
والله والله من طلع النت والجوال طلعت البلاوي والفضايح حتى قلوب الناس واخلاقهم خربت
ماانكر ان النت فيه اشياااااااء مفيده والكثير من الناس استفاد من النت فائده عظيمه حتى الجوال استفدنا منه ومانقدر نعيش بدونه بس البعض يسيء الاستخدام
وفيه جانب ثاني اللي هو اننا اول كنا نلتم وحنا والاهل لان مافيه شي يشغلنا لكن اللحين بعد الدش والنت والجوال صار محد فاضي لاحد
وبنفس الوقت صارت البنت تجلس بغرفتها او الولد يجلس بغرفته على النت وعنده جوآل وخاصه البنت من طلعت البطايق بدون اسم تشتريها من ورى اهلها وتشحنها وتكلم فيها والله هذولي هن البلاااااااء لو يقطعونهن احسن تصير البطاقه باسم وبيانات احسن كان البنت تهاب شوي والاهل غافلين مشغولين موفرين لبناتهم كل شي النت الجوال حتى انها تطلع لحالها بحجه انها بتطلع مع صديقتها او قريبتها
امهاتنا اول كانن يطلعن بدون اهلن لا طبعا والف لا اول كانو متشددين على بناتهم لكن اللحين مدري وش فيهم الاباء والامهات صايرين واثقين بقوه ببناتهم رغم الفتن والمغريات المفروض يزيد حرصهم
لاتقولون فيه بنات متربيات ماتسوي كذا معكم فيه بنات ماشاء الله مايحتاج ونعم فيهن بس معرضه والله معرضه للفتن ووالبلاوي وصديقات السوء يعني الثقه الزايده والله مو زينه للبنت يعني بحدود وخاصه المراهقات لازم التشدد عليهن
لكن وش نقول غير الله يحفظنا من الشر
المشكله اللي يقهرني تجيك البنت بعمر صغير 16 وتحت ولها علاقات :44: من وين تعلمت من خلاها تتجرأ على كذا
حتى اني سمعت سالفه بنت صغيره عمرها 16 ابوها متوفي وهي وامها ببيت لحالهم طبعا واخوانها الصغار والبنت تطلع من البيت للخياط تفصل ملابس عاد مدري كيف الهيئه مسكوها لان شكلها مثير للشك ولما تكلموا معها وكذا قالت انا مع الخياط لي 3 سنوات ويخيط لي ببلاش يعني الخياط يلعب عليها انتم فاهمين علي ويخيط لها ببلاش بمقابل انه تعطيه اللي يبي ماوراها لا رجال يوقفها عند حدها
واللي ربطت علاقه مع دكتورها بالجامعه عشان ينجحها ! عن طريق الايميل صار التعارف
وامس وحده تقولي اختي الصغيره مبلشتني تقول ابي ايميل قلت وشوله قالت مثل صديقاتي طلعت لها ايميل واضافتها عندها وتعرفون الايميل الجديد يطلع لك تحت كل المضافين من صادقو من اضافو وش سوو وتشوف مكتوب فهود صديق مميمي الان وكلمت اختها وقالت لها انها كشفتها بس باسلوب جتها قالت ان كل صديقاتي يتكلمون باصدقائهم وكل وحده تقول اسم حبيبها قالي سوى يحبني يدلعني ومستانسين وانا ابي مثلهم ابي احس باحد يدلعني واستانس معه !!! اختها ماتدري وش ترد عليها من الصدمه بنت صغيره تقول الكلام هذا :44:
قصص كثيره عن علاقات النت والجوال !
اللهم ياساتر
وماوصيكم راقبوا خواتكم بناتكم ترى والله صديقات السوء يأثرون عليهن والنت يجلب لها البلاوي
الله يهدي الجميع ويصلح احوالهم يارب
يلزم عليك تسجيل الدخول أولًا لكتابة تعليق.
لحظة صمتـ...
•
كلامك صح ..... يسلم بؤؤك
الله يسترنا فوق الارض وتحت الارض ويوم العرض
الله يستر على بنياتنا ويحفظهن ويصلح قلوبهن
صرنا في عصر يخوف حتى الشيبان من طلعت هالجوالات والبلوتوثات والنت وهم مهسترين...
ادعوا بالصلاح تجيك الوحدة تقول أدعوا لي أجيب ولد أدعوا ياخواتي بالصلاح قولوا الله يرزقني الولد الصالح التقي النقي البار بوالدية
الله يصلح شباب وفتيات المسلمين أجمعين
قولن أمين
الله يستر على بنياتنا ويحفظهن ويصلح قلوبهن
صرنا في عصر يخوف حتى الشيبان من طلعت هالجوالات والبلوتوثات والنت وهم مهسترين...
ادعوا بالصلاح تجيك الوحدة تقول أدعوا لي أجيب ولد أدعوا ياخواتي بالصلاح قولوا الله يرزقني الولد الصالح التقي النقي البار بوالدية
الله يصلح شباب وفتيات المسلمين أجمعين
قولن أمين
والله كلامك صح وميه بالميه انا بنت واعرف حركاات البناااات
صرنا بزمن البنت لازم يكوون لها احد تحبه
سوااء بنت في مدرستها او بووي فريند
الا من رحم ربي
الله يستر علينااااا بسس
صرنا بزمن البنت لازم يكوون لها احد تحبه
سوااء بنت في مدرستها او بووي فريند
الا من رحم ربي
الله يستر علينااااا بسس
الصفحة الأخيرة