النت .... والمجتمع....ووالدتي...... ماالحل؟

يا حنين يا حبيبتي ... والدتك حرمة كبيرة وعندها مثل ماذكرتِ فكرة مشوهه عن النت .. والكبير صععععععب انك تغيرين قناعاته

ويا حنين ... اياك ثم اياك .. انك تتخيلين ان امك غير راغبة في النت لعدم ثقتها فيك ... هذا من زود محبتها وحرصها الله يجزاها خير .. ويخليها لكم ..

نجي للحل ..

الحل من وجهة نظري ... ان اقناع الوالدة ما يكون عن طريقك انتِ ( يعني مثل ما تقولين تورينها مواقع كويسه ) .. لسببين :

السبب الاول : انها ما راح تفهم وش اللي صاير ولا راح تقتنع ... فكل اللي تشوفة ما يتجاوز في تفكيرها الا شوية خربشة ..

السبب الثاني : انك انتِ مصدر قلقها >>> ولا تفهميني غلط الله يخليك ،، انا قصدي ان خوفها من النت عشانك ..

طيب ميييين اللي يقنعها ؟؟؟

اقول لك ..

لازم يكون الاقناع عن طريق واحد كبير ،، ويستحسن يكون رجال ( انتِ عارفة حريم اول وقناعاتهم ... اي شيء يقوله الرجال صح >> يعني عندهم هو الصح وبس )

وانتِ يا حنين تقولين ان اخوك (( الكبير )) - يعني هذي ميزتين في صالحك - .... انه مقتنع في النت وواثق فيك .. واكيد انتِ اهل للثقة ..

فليييييش ما تخلينه هو بنفسه يتولى عملية الاقناع !!!

وانا معك ... البنت ما عاد لها غناة عن النت >>> انا لو ينفطع عني النت ماادري وش بسوي بنفسي..

الله يوفقك ..

واتمنى اكون افدتك ..

"

سلااام عليكم.....
بداية أخيه ...
إسمك جميل وهو من الأسماء ....
التي أحبها....
نجي للأهم...
بالنسبه لما تعانين ....
فهي بإذن الله مشكله بسيطه....
تحتاج إلى قليل من الوقت وقليل من الصبر.....
والتفكير السليم.....
وقبل كل هذا الإستعانة بالله سبحانه وتعالى.....





1-مثل ماقالت الأخت خلود استعيني بأخيك الأكبر....
واشرحي له المشكله ودعيه يفهم والدتك بأسلوب بسيط....
ان النت مثله مثل أي مجال أخر فيه الزين وفيه الشين....
وبإذن الله ستقتنع بكلامه مائه بالمائه...
2-أذكري لوالدتك ما تشاهدينه في النت.....
مثلا إحكي لها قصص قرأتها في النت....
وعموما الأمهات يموتون كثير بالقصص والسوالف....
3-اذكري لها عن طبخات من النت مثلا روحي....
صلحي طبق وقولي لها .....
تصدقين ياماما أخذت هالطبق من النت .....
بس من دون ما تخلينها تحس إنك قاصده تورينها ....
حسنات النت ....وشوي شوي بتعرف إن النت مفيد جدا ....
وصدقيني احساس والدتك احساس طبيعي ....
وهذا يدل على اهتمامها الكبير فيك ...
وياما فيه أمهات ماتدري عن بناتها ....
ولاتفكر نهائيا فيهم أو هم إيش يسون ....
ولاكيف يقضون أوقاتهم.....
لذلك لاتنسي أن تحمد الله عز وجل على نعمته العظيمه....
4-ماهي اهتمامات والدتك...
إذا مثلا الأزياء ....
جربي مره افتحي لها موقع أزياء وناديها ....
وقولي ياماما تعالى شوفي هالموديل يجنن ....
إذا المكياج.....
بعد نفس الطريقه بتستانس عليه قوه .....
أو أطلبي منها طريقة طبخه قولي بكتبها للبنات....
في المنتدى وفعلا اكتبي الطبخه وخليها تشوفها .....
وتشوف مثلا رد البنات ومدحهم لها ...
بالتوفيق وأتمنى أكون أفدتك...

انا شخصيا حاسه بالي امك حاسه فيه ومقدره ذلك لسبب بسيط هو اني ام والله يلوم اللي يلومها امك حبيبتي خايفه عليك من كثر مانسمع من هالمصايب اللي تصير الله يحمينا واياكم منها ومثل ماقلتلك الاخت خلي اخوك يساعدك بأقناع الوالده الله يحفظها واوصيك ثم اوصيك لاتعصين امك مهما كلفك الامر وصدقيني بس تزوجين انشاء الله وتجربين البنات راح تقدرين وضع امك وراح تدعينلها بالجنه حبيبتي ارجوك انك متضيقين صدر امك علشان النت ولو استدعى الامر انك تتركينه والله ان قلبي مع امك وحاسه باللي حاسته والله يوفقك

اختي خلود حياك الله
اشكرك على الرد
وبالنسبة لوالدتي مايقال لها ذاك الكبر (مابعد عجزت االله يخليها ويطول بعمرها ان شاء الله)
وعلى رايك انا واثقة انها غير راغبة في النت لحرصها ومحبتها
واما عن قولك ان اقناعها مايجي من طريقي فانا معك لنفس الاسباب اللي ذكرتيها فكلامك صحيح
وتقولين خلي احد كبير يقتعها ويستحسن يكون رجال(طيب من وين اجيب :D )

ابوي ماعنده خلفيه كثيره عن النت وبالتالي ماتقتنع منه
واخوي ماتقتنع منه لانه مهما كبرنا نظل في عينها لازلنا صغار فمهما حاولنا صعب اقناعها
واما الاقارب فيمكن يكونون اكثر شده من امي في عدم تقبلهم لدخول البنت عالم النت
عموما اشكر لك ردك الجميل واتمنى لك التوفيق وافدتيني كثير الله يجزاك خير
_____________________________________________

اختي مــــــــــــلاك2004
وعليكم السلام هلا والله
تسلمين و من ذوقك
:01:
1- بالنسبة لهالنقطه ارجعي لردي لاختي خلود لكن احب ان اضيف اني ساعمل بنصيحتكم واتمنى ان تجد تاثير
2-بالنسبة للقصص والطبخات ففعلا هذا مااعمله
3-صدقيني احساس والدتك احساس طبيعي ....
وهذا يدل على اهتمامها الكبير فيك ...
وياما فيه أمهات ماتدري عن بناتها ....
ولاتفكر نهائيا فيهم أو هم إيش يسون ....
ولاكيف يقضون أوقاتهم.....
لذلك لاتنسي أن تحمد الله عز وجل على نعمته العظيمه....
الحمد لله والشكر لله وهذا هو اكثر شئ افكر فيه
4- فعلا لفتي نظري لنقاط مهمه الله يجزاك خير
فهي تهتم بالمجال الديني اكثر شئ
والطبخ كذلك وعلى رايك يمكن لماتشوف رد البنات ومدحهم تتحسن فكرتها
صراحه كلامك جدا قيم ماادري كيف اشكرك ياختي ملاك تسلمين والله افدتيني كثير
جزاك الله كل خير
_____________________________________
اختي الهدبا
هلا بك والله
كلامك دخل قلبي والله يمكن يخوني التعليق
تاكدي اني حاسه بخوفها علي لكن مشكلتي معد اتخيل نفسي اترك النت احس بيصير فيني شئ
:10: والله يثبتني ان شاء الله وانال رضاها واكيد الدنيا ماتسوى اذا كانت والدتك ماهي راضية عنك سبحان الله احس بضيق في صدري لو ادري انها متكدره بسببي
الله يجعلنا جميعا من البارين بوالدينا
______________
اثلجتو صدري بردودكم ولا املك الا اني ادعو لكم بالخير والتوفيق في الدينا والاخره

مرحبااااااا حنين
والله كنت اعاني نفس معاناتك
بذات اول مره احد في العائله يحط نت
بس اتبعت نفس كلام الأخت ملاك
حتى ابوي احيانا اخليه يجلس عندي ويشوف المواقع اللي اقراها
فحسيت هو اللي اقنع امي
وانا الحمد لله اهلي واثقين في
بسسسسسسسسسس زود الحرص
اتبعي هالطريقه وانشاء الله
تقتنع والدتك
بااااااااااايات