النجدة...دبي!!!

ماشاءالله .. دبي كلها حلوه واكثر شي مولاتها .. عندك برجمان و وافي و امارات مول وابن بطوطه وسيتي سنتر وهوتيلاتهم كل واحد احلى من الثاني .. يعني ممكن تروحين هناك وتتقهوين في اللوبي او تتعشين في مطاعمهم .. وممكن تمرين على سوق الذهب القديم .. عندهم تشكيلات حلوه .. والسبا عندهم هناك مرررررره رايق ... فيه كذا مكان للسبا حلو ممكن تسالين الكونسيرج في الهوتيل .. وممكن تروحين لحديقة الممزر الجو الحين هناك حلو ورايق .. وممكن تروحين للمارينا .. روعه التمشيه هناك ..اممم وش بعد ..؟؟ايه راح يكون في وقتك القريه العالميه لاتفوتينها ..مره حلوه وفيه شغلات كثيره من مناطق واماكن مختلفه .. وممكن تروحين لقرية التراث وفيه هناك مطعم اسمه كان زمان جلسته على الخور .. والله لو احكي لك من اليوم الى اسبوع قدام ما يخلص الكلام عن دبي ..
صدق ..
دبي دبي دبي ... سعاااااااااااده :)
تروحون وتجون بالسلامه

دبي ماشاءالله روعه
بس اهم شي لاتفوتين القرية العالمية روووعه يبيلك فيها يوم كامل وروحي بدري لها
والمولات انا بالنسبه لي مااحب اروح لوافي لانه غالي وبرجمان التوسعه الجديده حقته كلها ماركات عالميه بس فيه هناك مطعم اسمه حاتم روعه اكله وجلسته
الامارات مول فيه عالم الثلج حلو وتجربه جديده
ابن بطوطه حلو وسيتي سنتر مشكلته ضجججه مررره بس حلو
اما الحدائق هناك روعه عندك حديقة الخور حلوه

ان شاءالله تنبسطون

يعطيكم الف عااااااافية ع الردود ماقصرتوا ...

بس ابغى الزياااادة...وشرح بالتفصييييييل الممل اذا سمحتوا...

انتظر..

ياليت تعطوني اسماء محلات مو موجودة عندنا في الرياض ...

ومحلااات شعبية رخيصة اقدر استفيد منها...

اذا تبين الاسواق الشعبيه فكلها في الديره عند سوق الذهب .. بس تراه مو ذاك الزود .. وفيه هناك سوق نايف .. ممكن تحصلين هناك الزعفران الاصلي في محل اسمه ارض الزعفران بس مررررره غالي ..عموما اغلب المحلات اللي عندنا عندهم ..بس المولات هناك نفسها توسع الصدر .. ما ادري تراني مفتونه في دبي ..
شوفي حبيبتي في القريه العالميه راح تحصلين اشياء كثيره واسعارها رخيصه .. فيه هناك القريه الهنديه والايرانيه والبريطانيه والسوريه والمصريه واللبنانيه والفلسطينيه والبحرينيه والمغربيه والصينيه .. تقريبا كل العالم .. وكل قريه تعرض الشغلات الشعبيه اللي عندهم .. اتوقع راح يعجبك .. بس مرررررره زحمه
انتي حددي بالضبط ايش تبين من السوق وراح ادلك عليه انشاءالله