النجدة ...النجدة :(

إلهي 7 مشاهدات ولا وحدة ردت حتى بابتسامة .. شكرا :(

ياقلبي سوي بحث لانه انتي ماشالله كاتبه عن كل شي مشكله بشره شعر اظافر شفايف عيون لووووول شو بقيتي

ياغاليه أقدر أفيدك في بعض الاشياء بخصوص الهالات السوداء
بقطع دائريه من الخيار وتسوين بيها كمادت على عيونك لمدة 30 دقيقه
أو كمادات شاي دافي يعني قطنه وتغمسيها في شاي حرارته مو عاليه وتضعيها على عيونك بتزيل عالات وتضفيلها حيويه وراحه
وبخصوص سمار البشرة لكي تعيديها الي لونها الطبيعي يا زيت الزيتون تدهني بيه وجهيك واتركيه لمده 20 دقيقه وبعدين غسليه بمويه دافيه أنا أسويها مع أن بشرتي دهنيه بس مرة مفيد
وممكن تستغني عنه بكريم إسمه
bioskincare
(Apricot (facial scrub
هو كريم أنا كنت جايبته من قزاز بالخوخ تضعيه على وجهك لمده 10 دقائق وبعدين تمسحي وجهك بمنديل نظيف وتتركيه لمده 15 دقيقه ثم تغسلي وجهك بمويه دافيه
بيزيل السمار ويفتح البشرة يعديها للونها الطبيعي وبيزيل الخشونه في ملمس البشره التكون ناتجه عن الحبوب الصغيره الي فيه

وبخصوص الأظافر ياغاليه ما لها علاج غير الحنه لو تعرفي تحني بس رؤوس الاصابع بيعطيكي منظر حلو حتى لو كنتي رايحه مناسبه
وبخصوص الملابس إنتي أدرى بالخزانه عندك ايش فيها
والشعر ضروري حمامات الزيت الزيتون لمدةساعه الي ساعه ونصف
مع ربط شعرك بمنشفه مبلله بالمايه الدافيه
ياريت أكون أفتدج

بالنسبه للحبوب :
* الحبوب اللي في وجهج مستحيل تختفي بين يوم وليلة .. لازم اتعالجين اذا كانت كثيرة أما اذا كانت قليلة اختاري غسول طبي يناسب وجهج واغسلي فيه وجهج كل يوم مرتين صبح وليل
* شوفي في قناع روعه من منتجات الهمالايا الطبيعية كتبت عنه في موضوعي
هالقناع ممتاز لحب الشباب , يتكون من النيم والكركم , اتحطينه على وجهج مرتين في الأسبوع لمدة 10 دقايق وعقب تمسحينه بالقطنه وتغسلين وجهج بماي بارد
أنصحج اتجربينه لأنه فعلا ممتاز , اسمه Neem Face Pack
موجوده صورته في موضوعي اذا حبيبتي تشوفينه
* وعلشان بشرتج تنظف حطي زبادي على وجهج لمدة 20 دقيقة
* وكل يوم اخذي ثلجه ومرريها على وجهج كامل لين تذوب ( كرري هالشي كل يوم)

بالنسبه للأظافر:
* سوي حمام زيت للأظافر ممتاز .. أخذي زيت لوز وحطيه على النار شوي علشان يصير دافي , بعدين نقعي أظافرج فيه لمدة 20 دقيقة
* استخدمي كريم مخصص لليد اتحصلينه في البودي شوب والصيدليات

بالنسبة للون الجسم
* اخذي سكر خشن وملح وزيت زيتون عصير ليمون , اخلطيهم مع بعض وافركي فيهم جسمج كامل بحركات دائرية وخليهم لمدة 10 دقايق على الجسم
* السمار اللي فيج من أشعة الشمس , أنا قبل يوم كنت في الجامعة نفس الشي
فلاتخافين اذا اهتميتي في نفسج عدل هالاسمرار بيزول .. لازم تستخدمين واقي
من الشمس , واقي الشمس اللي يبيعونه في ماركس اند سبنسر وايد زين , حتى واقي نيتروجينا يمدحونه
* لازم تسوين سكرب لجسمج , دخلي الحمام (الله يعزج) وهو مليان بخار علشان يجيب نتيجة في التنظيف , استخدمي سكرب للجسم من ماركة st . ives ممتاز

بالنسبه للعيون:
* ( كل يوم ) استخدمي الخيار على عيونج لأن مافي أحسن منه
* سوي كمادات باردة ماي ورد وحطيهم على عينج كل ليلة لمدة 10 دقايق

بالنسبه للشعر :
* الشعر المتقصف ماله الا حل وااااااااااااااااااحد وووووووووووووبس .. لازم اتقصينه , اذا ماتقدرين تروحين الصالون , قولي حق أمج أو أي وحده تعرفينها
اتقص لج الأطراف اللي تحت
* وانتي قلتي شعرج جاف .. في قناع للشعر ينعم الشعر ويخليج اتسرحينه بسهوله
مكون من الفراوله , أنا استخدمه اذا عندي حفله أو شي اسمه Montagne Jeunesse Volume Miracle

بالنسة لشفايفج:
*حطي عليهم فازلين خلي الفازلين 10 دقايق عقب حطي طبقه ثانيه وافركي شفايفج بالفرشاه , روووعه
* في البودي شوب يبيعون نفس الروج شفاف يحتوي على فيتامين زين للشفايف روحي هناك واسأليهم وهم بيعطونج

وبسسسس خخخخ ان شاء الله قدرت أفيدج , والسموحة ماعندي فكره عن الملابس
وحبيبتي أحسن حل ( اذا تقدرين ) تروحين لصالون وتقولين لهم عندج عرس وهم بيعرفون شيسوون لحل المشاكل اللي قلتيها .. :)

صدقي والله الكريم الي قلت لك عليه رهيب مرة ومفعولة سريع يعني تشوفي النتيجه من أول مرة وأنا دايما في وقت الازمات أضربه على وجهي وبعدين عليكي بنصايح الاخت I_Luv_Sweets
تراها ماهرة مرة وصفاتها من جد رائعه يعني سوي الي هي تقولج عليه من غير ما تفكري وماراح تندمين أبد