هلا وغلا بكل خواتي الحبيبات
السلام عليكم ورحمة الله وبركاته
صبحكم الله بالخيرات ...
أببكي من شدة ما رأيت اليوم
أول ما دخلت المطبخ الصبح لقيت ماي أصفر في الأرض .. استغربت .. بعدين قلت يمكن العيال عاملين عمله وكابين شي ولا قالوا لي ..
لما رحت فتحت الفريزر ...والا وش أشوف يابنات ...لقيته طافي والدنيا سايحة على بعضها
... إنا لله وإنا اليه راجعون ..
اللحم على الدجاج على الكيك على كله ...والحمد لله أن مافي سمك ولا روبيان والا كان المصيبة أعظم ... الحمد لله ..
الحين أنا طلعت كل شي برا ... قلت اللحم المفروم بحمسه بالزيت وأثلجة مرة ثانية.. والدجاج بغسله وأرد أثلجة ... لكن الهمبرغر والدجاج المغلف بالبقسماط أول مرة يشتري زوجي هالكمية..سبحان الله أنا مو من عادتي أحب التثليج ، ودايما أراقب الفريزي أخاف من هالسالفة ...لكن هالمرة ... قدر الله وماشاء فعل ...
وشي اكتشفته و حبيت أقوله لكم أن الأشياء اللي على الجوانب ووفوق هي اللي لقيتها ذايبة ، واللي داخل الفريزر يعني بالنص اشوى بعد لازالت مثلجة ... الحمد لله .. يعني لا تحطون اللحم والدجاج على جوانب الفريزر ولافوق ..خلوهم في النص .
لكن شسوي بالأشياء الثانية ... والمشكلة مو مجال أني أعطي أحد أو أعزم أحد عندي اليوم بالذات .....
والمشكلة لثانية أني ما ابي أبونا يدري ... تعرفون عاد ...
خواتي اللي عندها فكرة تعطيني الله يجزاكم خير .......
.
أم يحيى @am_yhy
عضوة شرف في عالم حواء
يلزم عليك تسجيل الدخول أولًا لكتابة تعليق.
أم يحيى
•
مشكورة ياعمري يالنورس على الرد السريع والله يجزاك كل خير .. الحمد لله الفريزر شغال وأنا فكرت اسويها بس تهقين ما يضر ؟؟؟ لأنهم كاتبين عليها إذا ذابت لا يعاد تجميدها ... عشان كذا أنا خايفة ..
انا قبل فتره ضار لي زيك لكن الحمد لله ماكان عندي الادجاجتين ورميتهم
والباقي كنت مجمده كرنب وفطائر وكبه وقهري رميتهم كلهم لانهم خضروا وعفنواااا
المشكله الفريزر هذا بس للتجميد الاكل ....لكن ؟الله لا يعاقبنا..لكن انا ذبحتني الريحه ريحه الفريزر
مع اني غسلته بكلولاكس والعملاق العجيب لكن الي الان فيه ريحه انتي ماطلعت لك ريحه؟؟؟؟؟
والباقي كنت مجمده كرنب وفطائر وكبه وقهري رميتهم كلهم لانهم خضروا وعفنواااا
المشكله الفريزر هذا بس للتجميد الاكل ....لكن ؟الله لا يعاقبنا..لكن انا ذبحتني الريحه ريحه الفريزر
مع اني غسلته بكلولاكس والعملاق العجيب لكن الي الان فيه ريحه انتي ماطلعت لك ريحه؟؟؟؟؟
leeana
•
أم يحيى :
مشكورة ياعمري يالنورس على الرد السريع والله يجزاك كل خير .. الحمد لله الفريزر شغال وأنا فكرت اسويها بس تهقين ما يضر ؟؟؟ لأنهم كاتبين عليها إذا ذابت لا يعاد تجميدها ... عشان كذا أنا خايفة ..مشكورة ياعمري يالنورس على الرد السريع والله يجزاك كل خير .. الحمد لله الفريزر شغال وأنا فكرت...
الله يساعدك ويعينك
المجمدات بعد ما يفك التجميد لا يعاد تجميدها مره أخرى , الله يكفينا الشر تجيب التسمم
أنصحك والله يساعدك أطبخي اللي تقدرين عليه منها ووزعيه على المحتاجين إذا تعرفين أحد أو حطيه في صحون قصدير وشوفي البقاله اللي عندكم والمغسله يا كلونها المسلمين ولا تنكب في الزبايل الله لا يعاقبنا وأجر بإذن الله
أنا هذي طريقتي في الأكل اللي يبقى من العزايم أوضبه زين في صحون قصدير وألفه وأرسله للبقاله أو المغسلة ,,, وما تخيلين فرحتهم فيه
المجمدات بعد ما يفك التجميد لا يعاد تجميدها مره أخرى , الله يكفينا الشر تجيب التسمم
أنصحك والله يساعدك أطبخي اللي تقدرين عليه منها ووزعيه على المحتاجين إذا تعرفين أحد أو حطيه في صحون قصدير وشوفي البقاله اللي عندكم والمغسله يا كلونها المسلمين ولا تنكب في الزبايل الله لا يعاقبنا وأجر بإذن الله
أنا هذي طريقتي في الأكل اللي يبقى من العزايم أوضبه زين في صحون قصدير وألفه وأرسله للبقاله أو المغسلة ,,, وما تخيلين فرحتهم فيه
الصفحة الأخيرة
الله يعينك , دايم أفكر لو لا سمح الله خربت الثلاجة فجأة وش بسوي بالأكل اللي فيها ؟الله لا يعاقبنا بس .