السلام عليكم


الله يكون بعونك يالغالية تصدقين أنا أرضع أطفالي طبيعي وبقول لك تجربتي يمكن تلاقين بين سطورها


ماتحثين عنه ..


الله يسلمك مريت بنفس وضعك فترة من الزمان قبل سنتين الى 3 تقريبا لأن أول حملي طفلين توم وقررت أرضعهم طبيعي


ورحمة من ربي إن دخلت الصناعي رضعة الى 2 أيضا لظروف مرضيه بالاضافه إني طالبة وايضا بحكم انهم طفلين وقلت يمكن مايكفيهم


بس كانت الرضعات من صدري أكثر من الصناعي بكثير لدرجة أنهم تعلقو فيه بشكل كبير وماكان عندي أي مشكلة وقتها


وبالليل قبل النوم أعطيهم رضعة صناعي بسيريلاك على أساس تشبعهم شوي فتعودو على هذا النظام لان طفلك على ماتعودينه


لكن في بعض الاحيان يحتاج الامر صبر وطولة بال وبعد رضعة الليل يصحون يفتشون عن صدري وارضعهم مره إالى مرتين


بمعدل كل ساعه ونص للفجر طبعا قبل ذهابي للجامعة


وكنت أول ماأدخل عليهم يتصارعون مين اللي يرضع أول خصوصا لما كبرو شوي وابتدو يفهمون أنواع المشاكل


إلى أن وصلت لمرحلة لابد لهم من الفطام وهي لما حملت وعمرهم أقل من سنه ونصف


لأنهم صارو مثل ولدك تقريبا ماخذين صدري لهاية وليس للشبع


فتلاقينهم مشغولين بلعبة أو أي شئ وفجأة ينط لي واحد وبدون مايشاورني ألاقيه يشد ملابسي ويطلع صدري


ويرضع له دقيقتين إلى 3 دقائق ويروح والثاني يراقبه ويسوي مثله


ويرجعون للعبهم وكل نص ساعه اكثر أو أقل يكررون نفس الحركة احيانا بوقت واحد حتى << برادة هههه


طبعا الله يرحمنا برحمته وحم وألم بالظهر وغثيان شنيع وترجيع مع الحمل يعني الحالة مايحتاج يرثى لها فقررت بمساعدة بعض الاخوات


إني أفطمهم بعد حملي بشهرين عانيت وعانيت ولكن بالنهاية يارب لك الحمد ربك اذا علم الحال تكفل به


والحمد لله عدينا هالمرحلة على خير


وعلى قولة ام زياد والله إني أمر بأوقات يقومون من نومهم يبون يرضعون شي تعودو عليهم ويتغلقون ويبكون ونحاول نهديهم وأبوهم


وكنا نصيح أنا وياهم غصب عني أرحمهم لأنهم يعتبرون هالشي ملكهم ومايستغنون عنه وفجأة يتغير الحال ؟


ولاهم مستوعبين الوضع أصلا لدرجة إني مرات يدخلني الضعف وأقول خلاص برضعهم إذا جو يحضنوني ويحاولون معي


بس زوجي كان يعصب ويقول شفايدة التعب هذا كله وعلى قولة الطبيب مايستفيدون منه لاني حامل وكلي نقص


فيتامينات مع أنه كان في حليب ماشاء الله بس الشكوى لله


وبعدين ماهي قاعدة الطفل يصير هزيل مع الطبيعي إذا حليب الام يكفي الطفل بمعنى أنها تحرص على الفيتامينات ومدرات الحليب


صدقيني بيكون فيه فايدة عظيمه انا عيالي متختخين ماشاء الله صحيح ارضعهم صناعي بس قليل


بمعنى الاعتماد على حليبي الطبيعي كل ساعة ونص يرضعون ومره ذكر لي طبيب أن حليب الام يكون فاتح لشهية الطفل


اذا كانت الرضاعة منتظمة سبحان الله


والآن أرضع طبيعي أيضا ههههههههههه < ماتابت


صحيح تعب أجل ليش الجنة تحت اقدام الامهات لأنهاتعاني بامور كثيره منها الرضاعه لان طفلك ياخذ غذاءة من جسدك


وبجد أحس بمتعه وراحة اذا رضعت اطفالي وهم فرحانين بهالشي ومحتسبة للاجر عند الله


والاهم من ذلك وانتي ترضعينة أدعي بالبركة فيه لأنه اذا طرح الله فيه البركة حتى لو قليل بيستفيد منه طفلك بإذن الله تعالى


وبما انك حبيبتي طلبتي المساعدة بحلول أن شاء الله الكل يدلي بدلوة ولك الخيار بالأصلح والانسب لوضعك


أنا برأيي أنك تحاولين تجدين مساعد لرضعة الليل من أي نوع جربي بودرة مبستر طازج بالرضاعه او بالكوب بحسب يستجيب له


بالمحاولات على الأقل يكمل السنة والنصف وبعدها لو بدأتي بمحاولات فطامه يكون قرب من السنتين


وبوسط النهار أرضعيه عادي صدقيني الأطفال أذكى مما نتصور إذا واصلتي أسبوع الى أسبوعين وانتي كل ماصحى يبكي عطيتيه


حليب غير صدرك بيتعود أن صدرك ممنوع بالليل ويأقلم نفسه على هالشي ماراح يطلبه منك وبينسى الموضوع


جيبي له فيتامين مساعد بإستشارة الطبيب ولك على الاقل يتهنى الضعيف فيه بالنهار مو تقطعينة مره وحدة وجربي عوديه


على العصيرات ورتبي نومة مثلا لايطول بنومة النهار ولو حصل تنامين معة بيكون أحسن على أساس


تستلمين معاه بالليل ولاتنسين انها فترة وبتعدى للأفضل بمشيئة الله


نعرف أن وضعك صعب يالغالية فمن جرب مشاكل الأطفال مع الرضاعة بيكون الأكثر فهما واستيعاب لوضعك اعانك الله


أهم شي أستخيري بداية وإن شاء الله ربي يسيرك للأصلح


لك ولأبنك ..


فرج الله همك وأعانك وحفظ لك ابنك وأطفال المسلمين

سبيعيه ذوق اشكرك على احساسك الجميل بحالتي الله يخليلك عيالك
مشكلة ابني يبي دايم يكون في حضني وهو ما ينام بدون صدري ولازم اكون لاصقه فيه بالليل وان قمت قام واصلا مايشرب بالكوب غير المويه او مشروب النعناع بدون محليات انا نفسي اعوده على الرضاع بس رضعة قبل النوم عشان ينام وهو يرضع بدوني وما ابغى افطمه من صدري انا مقتنعه بكلام الطبيبه المصريه بضرورة الارضاع الطبيعي
حتى الآن وانا اكتب يحن ويصيح عند رجولي لين اعطيه صدري

ام زيود-3 لم يوافق على استلام رسائل خاصة ، أو ليس لديه صلاحية الاستفادة من هذه الخدمة حتى الآن .
هذه الرسالة تظهر لى

ماشاء الله عليك

الله يسهل لك كل أمر عسر وبإذن الله يسهلها راعي الليل

قلوبنا معك .

عزيزتي طبيبة مصرية اضغطي على اسم أم زيود ستظهر لك خيارات من بينها ارسال رسالة خاصة

هل اتبعتي هذه الطريقة ؟؟!!