الندب التعسفي

الطالبات والمعلمات

يامعلمات مساكم الله بالخير وكل عام وانتم بخير
نبي ندردش بخصوص الندب
كأن الموضوع طال وشمخ
اللحين ابيكم تقولون لي وش آلية الندب الجديده
هلكو معلمات معينات دون غيرهم وكرورو عليهم الندب دون غيرهم
قمة الظلم قسم باللله
اي وحدة تظلمت من الندب تنزل لنا تجربتها
واللي رفضت الندب كمان تنزل تجربتها
يااااليت الكل يشارك الموضوع شاغل بالي ولاعب بنفسيتي
6
1K

يلزم عليك تسجيل الدخول أولًا لكتابة تعليق.

تسجيل دخول

الهم طواني
الهم طواني
روحي انتداب احسن واريح لك. تخف عنك الحصص  طبعا النتداب يكون على اخر وحده باشرت بالمدرسه سواء كنتي راجعه من اجازة وضع او رعاية مولود تعتبرين اخر من باشر  
انا انتدبت هذا العام والسنه الماضيه عادي اروح  ماارفض 
بس اطلب ينفذون شروطي من ناحية الحصص مااخذ الحصص الاخيره ابدا
وامسك الفصل اللي اشوفه مناسب لي  والله هالسنه الحمد لله غير عن انتداابي العام كنت اول ماتعينت معرف شي وانتدبت وجيت بمدرسه مسكوني الفصل المشاغب وانا معرف عنهم شي والله طلعو عيني ياشيخه اهم شي انتي خلك فطينه ولاتمسكي الفصل اللي يطلبونك تمسكيه لان بعض المعلمات فيهم وقاحه يتفقون مع بعض انهم مايمسكو الفصل الخربان والمشاغب وينشبونه بحلقك  اهم شي لاتوافقين تطلعين الا لما تكلمي مديرتك انك تبين  ينفذون طلباتك من ناحية الحصص  والخروج  لاني انا وقت مااخلص حصصي اطلع.بعض الاحيان  بس مااطلع انا الا نادرا لاني مرتبطه مع معلمات بمدرسه ثانيه  نروح بسياره واحده لو عندي سواق خاص كان طلعت بس حسافه
ابحثي عن شروط الانتداب وتعرفيها بالنت يبين لك كل شي
أخر انفاسي رحيل
أخر انفاسي رحيل
ماعليش حبيبتي شلون اجازة الوضع ﻻﻻﻻﻻ ماظن اتوقع اجازة رعاية المولود
شموخي مجروح
شموخي مجروح
الهم طواني
ليه سنتين ورى بعض ندبوكي ؟؟
وعادي عندك تتغربلين من مدرسه لمدرسه وغيرك بنفس المدرسه ومرتاح
انا اشوف ظلم وهز لنفسيتي من سنه لسنه اتنقل
حسبي الله عليهم ياشيخه وربي جاني هم منهم
شموخي مجروح
شموخي مجروح
اخر انفاسي
اي تقصد رعاية مولود
لان اجازة الوضع عادي ترجعي لمدرستك
الهم طواني
الهم طواني
والله معك حق شموخ. بس الصراحه اني نقلت بمدرسه فصولهم كثيره انا  ادرس ثانوي واربع فصول لكل مرحله   واعداد هائله البنات
بس المدرسه اللي انا انتدبت لها فصلين وبنات قليل.  ابي ارتاح هالترم عالاقل الفصل الاول. وترى التدريس مافي راحه سواء كنتي بمدرستك او منتدبه والله تعب. انا طلبت اطلع انتداب. عشان قالو يزيدونك نقاط وتنقلين  اذا شاء الله تعالى. هذا اللي سمعته  
بالنسبه للوضع العام كنت نفاس ورجعت من نفاسي وانتدبوني والله رفضت وغصبوني قالو انتي اخر من باشر وماتطلعين ماتوقعي عندنا وخوفوني بشغلات كثيره الله لايوفقهم  وكنت اول سنه معرف شي عن الانتداب او غيره. ورحت والله. :(