مساء الخير عزيزاتي
حبيت أحكيلكم هالقصة اللي صارت معي وخلتني أندم على تسرعي والحكم على الشي بظاهره
أنا يا بنات عايشة بعيد عن أهلي من تزوجت يعني صارلي حوالي 18 سنة
زياراتي لأهلي قليلة بحكم البعد والضروف ... وحدة من خالاتي شوي معتزلة عن خوالي يعني تجيهم بس بالمناسبات يعني ما أشوفها كثير عكس الباقيات ..المهم من سنتين سافرت لأهلي وجت خالتي وسلمت علي
بعدها بكم يوم صارت مناسبة عند وحدة من خالاتي وسوت حفلة ورحنا كلنا ..وجت خالتي اللي قلتلكم عنها ومعها بناتها سلمن علي ...وحدة من بناتها عمرها 12 -13 سنة بهالحدود أنا ما أعرفها بس جت مع خواتها وسلمت علي ..وأنا يوم شفتها استغربت من هالبنت كانت لابسة وحاطة باروكة لونها أصفر وأنا بيني وبين نفسي أقول هالبنت تبي تكبر بحالها غصب بلبسها للباروكة ..وهي كانت تضحك وترقص مع البنات وأنا ناظرتها وقلت بنفسي هذي مهبلة بحالها وماخذة بنفسها مقلب انها كبرت ولابسة هالباروكة .
ويوم رجعنا للبيت قلت لأختي شفتي بنت خالتي شلون لابسة هالباروكة ومنظرها أكبر من عمرها ؟؟ والا أختي تقوللي يا حرام هذي صارلها فترة معها ثعلبة براسها والثعلبة هذي يسمونها الثعلبة الخبيثة ماكلة ثلاث أرباع شعرها وما استجابت للعلاج :44: ...أنا بهالموقف انصدمت ولمت نفسي كثير شلون بيني وبين نفسي ضحكت عليها وهي المسكينة مريضة الله يشفيها ولحد الاّن يوم أتذكر هالموقف أحزن وألوم نفسي
بنت المذهل @bnt_almthhl
عضوة نشيطة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️