النزله المعويه

يعني ماعمركم سمعتوا عن النزله المعويه

حبيبتي النزله المعويه معناها لازم مضاد
واغلب الاحيان اذا كانت شديده يعطونه ابره مع مغذي بالمستشفى
لاتتهاونين ماعندك احد يوديه المستشفى خذي تاكسي وروحي
الولد بيجيه جفاف من الاسهال والترجيع وانتي كيف حكمتي ان اللي فيه نزله معويه وانتي مارحتي مستشفى؟
يمكن الولد فيه شي ثاني فايرس او شي ثاني
يااختي ترى الاطفال مسئوليه وانتي محاسبه عليه عند رب العالميبن
اعذريني بس مااحب اهمال الوالدين في عيالهم

لازم مضاد حيوي النزلة اهم شي المضاد
ومحلول عشان الجفاف واصلا يغيرون الحليب
لنوع مناسب للاسهال انتي روحي لدكتور شوفي
طبعا لاتنسين تعقيم الرضاعة بعد كل مرة يشرب فيها

والله مو اهمال
بس اهلي بعيد وابوه بعمل يجي بكره
وانا لحالي حتى تكاسي مافيه
جد لازم محلول

اعطيه زبادي قليل الدسم
عصير تفاح
عصير جزر
سفن اب شيلي الغازات وحطيه بالرضاعه
اهم شي حليب خاص للاسهال
ومحلول الجفاف
ولا تنسين الرز المصري
مو لازم مضاد انا بعد ماتعبت مع عيالي من كثر نزلاتهم ومن كثر ادوية الدكاتره اللي تضر ماتنفع
صرت اعطيهم الشي اللي قلت لك عليه
ويومين ثلاث بالكثير وهم طيبين
الله يشفيه يارب