النزيف دمرني ويمكن اموت منه ساعدوني

السلام عليكم
مثل ماهو واضح من العنوان
انا ولدت من خمس شهور ولاده طبيعيه في الحكومي وصار معي تمزق لان الدكتوره الله يسامحه قلت لها شقي لي العجان على الجرح القديم انا مااولد الا بتوسيع ومارضيت وجاني دفع قوي جدا وتمزقت مره وكانت الخياطه زي الزفت قعدت بيت اهلي مع امي واختي المطلقه بالقوه استقبلوني وعشر ايام واختي قعدت تركي علي كلام ان سلامات تدلعين مسويه نفسك بكر انتي قلتي تحلسين بس عشر ايام اشوف بسطتي فشلتني قدام القاعدين قمت وانهرت صياح صباح المهم امي ولت دافعت ويوم قلت بمشي امي قالت اي عيالك تعبوا وهم لحالهم في الشقه روحي لهم وزوجك تعب وهو يودي ويجيب اغراض المهم رجعت وانا توني مالتأم جرحي مالي الا عشر ايام وانا دور ثالث صعدت وانا اصعد حسيت خياطتي انفتحت وقعدت اصيح وطول نفاسي ودموعي تصب بالذات لا تذكرن ابوي متوفي توه من شهرين واهلي هضموني مع ان لي ورث ببيت ابوي وفشلوني قدام زوجي المهم مرت الايام وخلص نفاسي وجرحي زفت والدم ماوقف انتظرت شهرين وانا شايفه توسع مقرف بس للتأكد نمت مع زوجي والله ماانسى وجهه مصدوم من التوسع بس ماقال شي وانا ماحسيت بشي المهم كذبت عليه قلت عندي الم فضيع وبروح اراجع في خاص وكنت طول الاربعين ابحث عن عمليات تجميل المهبل والتضييق ورحت وقررت لي الدكتوره عملية تضييق وخبرت زوجي ان عندي كيس بشيله ورحت وسويت عمليه تضويق مؤلمه جدا ورحعت نفاس شهرين بعد وحاولت هالمره اكل كويس واعتني بنفسي وبعدت اختي تدقدق وتسأل وعلمتها اني عدت الخياطه قامت قالت سويتي تجميلي صح صرتي بنت بنوت وتتضحك انا غبيه وقلبي طيب قلت لها ايوه صح وطاح الحطب بينا وعزمتهم في بيتي وقمت وخدمت وعشيتهم المهم جتني بعدها الدوره وزوجي ينتظر على نار يوم تطهرت نام معي والحمدلله الامور كانت ممتازه وطلبني يوم ثاني والي بعدها بعدين جتني الدوره مره ثانيه ١٢ يوم طهرت ٣ ايام بس ورجعت لي الدوره وغزيره جدا وطهرت توني ٤ رمضان صمت يومين ورجعت نزلت وانا عاملتها على استحاظه وصمت وصارت نزيف قوي مع قطع متجمده كبيره وجاني صداع قاتل ولوعه يومين نايمه مقدر اقوم ورحت اكثر من مره خاص ماعرفوا يعالحوني يعطوني مغذي وابر ترجيع ومافي فايده رحت الولاده والاطفال وعطوني ثلاثه مغذي وقالوا عندك جفاف شديد جدا ووجهي اصغر وارجع دم المهم الحمدلله تحسنت امس بس بس باقي هالدم ينزل بغزاره شديده والدكتوره قالت روحي مستوصف الحي والدكتوره تكتب لك حبوب ابي اعرف وش سبب هالدم الي مايوقف وربي استحيت من زوجي من كثر مااطلب كوتكس وهو تعب وهو صابر علي