صباح الخير اخواتى الحوائيات هذا اول موضوع لى بس و الله من جمال الموضوع حبيت انقله لكم شفت امبارح حلقة د . اوز و كان مستضيف فى فقرة مدرب لياقة بدنية مشهور اسمه كريس باول و كان بيدرس حالة امرأة وزنها 165 باوند اعتقد الباوند 2.2 كجم و كانت بتنفذ كل نصائح الدكتور و برضة وزنها مش بينزل و بدأ بأنه حلل لها سعرات اكلها فتخيلوا اكلها صحى بسسسس كميته كبيرة فكان بيدى سعرات كتيرة فاعطاها معادلة ذهبية عشان تعرفى كم سعر جسمك محتاج يوميا و هى : -
عدد السعرات = الوزن ( بالباوند ) × 12
ده اللى انت محتاجاه و لو حابة تخسى تاكلى ااقل من كده و كمية نزولك انت اللى تتحكمى فيها بسسس حذر انك تقللى عن 1200 سعر فى اليوم و الا الجسم يتخيل انه فى حالة مجاعة و يبطئ الحرق .
و هو شرح نقاط مهمة جمعتها لكم على قد ما ااقدر
1 – لازم خلال 30 دقيقة من الاستيقاظ من النوم تدى الجسم شرارة لانطلاق الحرق عن طريق انك تاخدى وجبة بحدود 200 – 300 سعرة حرارية و ادى لها خيارات زى , توستة محمصة مع بيضة مسلوقة – عيدان من الكرفس مع علبة زبادى خالى الدسم – نص موزة مع ملعقة زبدة لوز – تفاحة مع كوب من مشروب بروتينى ( ماعرفهوش الصراحة ) انا عن نفسى باحب ابدا يومى بكوب كابتشينو
2 – الوجبة الرئيسية بتكون حصص عن طريق جسمنا و احتياجاته حسب حجمة يعنى الوجبة الصح نحدد كمياتها بايدنا محتاجين بروتين قد كف ايدنا فى الحجم و السمك و محتاجين خضروات ملو قبضتين من ايدنا و محتاجين ملو قبضة وحدة من الكاربوهيدرات و قد الابهام من الدهون .
3 – اكد كمان على اهمية الاكل – وجبات خفيفة - كل 3 ساعات عشان 3 اسباب مهمة
ا – ان جهاز الحرق يفضل شغال فى اجسامنا
ب – اننا منوقعش فريسة للجوع لان ده بيفقدنا السيطرة على الشهية
ج – اننا نحافظ على مستوى السكر فى الدم لان انخفاضه هيسبب لنا نوبة من الشراهة و فقدان السيطرة على نفسنا امام الاكل
و هو ادى امثلة للسناكس دى زى , تفاحة مقطعة شرايح _ حبات من الفاكهة المجففة – خيارة مقطعة شرايح – حبات من الكريز اووو خيار الدكتور الهاشمى العبقرى اللى هو حبات من اللوز اى واحد من الخيارات دى بتخليه معاكى فى الشنطة فى كيس صغير و لو حسيتى بجوع بتاخديه .
4 – اكد على اهمية يوم الاجازة من الدايت و سماه الفن داى لاسباب مهمة
ا – اولا انك تستمتعى مع اسرتك و اصحابك بيوم اجازة ممتع و ده بيدى دفعة قوية انك تكملى
ب – ان الاكل كتير فى اليوم ده بيعلى الحرق و تانى يوم لما بتاكلى اكل الدايت تانى و معدل الحرق عالى بتحرقى اكتر و اكتر
5 – النقطة دى عجبتنى اوى اوى يا بنات ان المدرب اكد اننا لما ندى وعد لاى حد بنهتم اننا نوفى بوعدنا و ان الاهم اننا النهاردة حالا نوعد انفسنا و نلتزم بوعودنا من اللحظة دى حالا و الوعد اللى كان عاوزه انك تلتزمى بلعب رياضة 5 دقايق بسسس موش ااقل بثانية لو اكتر انتى الكسبانة و الدكتور اوز طلب ان المشاهدين و حتى اللى فى البيت يقفوا حالا و يلعبوا معاه و الله يا بنات لعبت معاه و تمارين بسيطة و ضحكت ضحك حتى بعدها حسيت الدم بيتدفق حلو اوى فى جسمى بس اللعب يكون 30 ثانية سريع و 30 ثانية بسرعة عادية بالتبادل لحد ما الخمس دقايق يخلصوا .
و الله يا بنات بعد الحلقة دى حسيت بدفعة قوية انا طولى 154 سم و وزنى 69 كج و بدات من بعد الحلقة فورا ابدوا يا بنات و ربنا يوفقكم و ادعوا لى بالتوفيق .
فراشة 1973 @frash_1973
عضوة نشيطة
يلزم عليك تسجيل الدخول أولًا لكتابة تعليق.
متجر ضي القمر
•
مشكووره ويعطيك العافيه
الصفحة الأخيرة