النصب زايد .. اللي عندها حساب Paypal تنتبه

السلام عليكم
ما أدري شصاير في الدنيا النصب زايد هاليومين
من شوي جايتني رسالة من واحد يدعي إنه من Paypal يقول انه حسابي فيه مشكلة و محتاج تحديث
Paypal عادة يرسلون يطلبون تحديث بيانات في حالة كانت الكريدت كارد انتهت مدتها أو محتاجين شوية بيانات للتأكد من الهوية أو في حالة انه صار لازم أغير الباسوورد يعني شغلات تبع سكيورتي
فهالمرة جاني ايميل عنوانه Notification of Limited Account‏ و هو نفس العنوان اللي تدزه الباي بال

You have 1 new Security Message Alert!

Log In into your account and resolve the problem.

Click here to Log In

Thank you for u sing PayPal!

The PayPal Team

طبعا من تضغطين على عبارة Click here to log in و تسجلين دخول على طول اللي دز لج الرسالة يسحب بيانات الدخول تبعج و يسرق حسابج
الرسالة شكلها رسمي و بيطلع لج اسم المرسل Paypal و الزر اللي تضغطين عليه بالضبط مثل تصميم أزرار الباي بال بس على مين هالحركات فيه خطأ مطبعي في الرسالة أولا و ثانيا عنوان المرسل info@paytfdpal.com
فتحت صفحة جديدة و سجلت دخول من الموقع مباشرة و حسابي تمام التمام لا فيه أي تحديث و لا شي
فحبيت أنبهكم على فلوسكم و حساباتكم