النصب والاحتيال

السلام عليكم
مساء الخيرات
بنات هالموضوع حبيت اعلمكم فيه واحذركم من النصب اللي شغال عندنا حسبي الله عليهم هذا يابنات قبل شهر تقريبا قدم اخو زوجي بلاغ ع وزارة التجاره علشان مشكله مع محل المهم بعد ايام كلمت عليه مره وقالت انها من وزارة التجاره وانها ع شان الشكوى وسألته عنها وهو فرح الضعيف وعلمها بكل شي وقالت كم المبلغ اللي اخذوه منك وعلمهم قالت اللحين نحوله عليك وحنا مانرضى ومن هالحكي المهم طلبت معلوماته البنكيه وهي تكلمه وبعدها طلبت منه الرمز القصير واول ماطبق السماعه منها سحبت منه فوق ال٧٠ الف ويكلمها مقفل الجوال حطينا الرقم بالبرنامج حق الاسماء ماطلع لنا اسم وراحو يبلغون وكنا مستغربين كيف موظفه وتسوي كذا لما بلغنا طلع الرابط اللي مبلغ فيه مزور وحاطينه نفس رابط الوزاره الا باختلاف بسيط وقال موظف المباحث لزوجي كل يوم تجينا شكاوي نصب واحتيال وع كل شكل ماتتصورون حيلهم مع ان البنك دائما يرسل رسائل توعيه وتنبيه انك ماتشارك رقمك السري لأي احد حتى موظف البنك نفسه بس هم لهم اساليبهم المختلفه وانا قبل اسبوعين تقريبا ارسلو لي رساله يقولون انه بيخصم منك قسط التمويل من بكره واذا عندك سؤال او استفسار كلمنا ع هالرقم ........... وحاطين رقمهم بصراحه بالاول خفت قلت كيف اخذه قرض انا مااخذت شي وعيالي مستحيل يسوون شي من غير علمي بغيت اكلمهم واسأل .... وتوقفت لاني تذكرت كلام زوجي عن حيلهم وانا اعرف لو كلمتهم كان اسحبو مني كل شي لهم اسلوب خاص حتى اخو زوجي يقول كأني مقمور ماحسيت بنفسي عطيتهم كل معلوماتي الله يكفيني وياكم شرهم وانتبهو يابنات من اي احد يطلب معلوماتك البنكيه بإي حجه كانت .