النصب والاحتيال وصل لبيتنا من غريب

السلام عليكم

أشحالكم يا اخواتي ...؟؟

والله يا أخواتي اني اكتب لكم الموضوع وانا مستغربه من هالشخص

أجت زوجة اخوي تسألني اتقولي زوجك وين قلت لها محد راح مشوار وبيرد قالت الخدامه اتقول في رجال برع يدق الباب ويبيه والمشكله انه راحت الخدامه وقالت له انه زوجي محد قال لها نادي زوجته ابيها ضروري انا والله استغربت قلت اول مره رجال يطلبني وانا ما اعرفه والمشكله انه ما يبي يروح من عند الباب انا رحت وخذيت بنت اخوي والخدامه ووقفت ورى الجدار وقلت له امنوا انت قال انا صديق زوجك سلمي عليه وانا حبيت اعطيكم كيس هالقهوه هديه مني لزوجك قلت له انت مين قال انا فلان الفلاني انا استغربت قلت معقوله صديق زوجي ولا يعرف رقمه وخاصتا يطلبني علشان يسلمني القهوه والله يا اخواتي خفت قلت للخدامه خذي عنه القهوه وقلت له يا اخوي انت تعال بعدين وقابل زوجي لانه هو محد الحين وانا اول مره اسمع عنك المهم يا اخواتي اتوقعوا شو قالي يا اختي انا رايح المستشفى عمي مريض ونايم في المستشفى وانا ما عندي سيارة وجاي بتاكسي وما عندي فلوس ولا تنسينا اعطينا الي فيه النصيب يا اخواتي والله اني استغربت كيف صديق زوجي ويطلب مني فلوووس قلت له تعال بعد صلاة العشاء وان شاءالله بيصير خير راح يكون زوجي موجود انا رحت لداخل البيت قلت يمكن راح يا اخواتي ما تحرك من عند الباب يبي فلووووس رجع يدق الباب يقول وين الفلوووس انا قاعد انتظر والله انه زاد خوفي اتصلت على زوجي وقلت له السالفه قال زوجي انا ما اعرف شخص بهالأسم هذا نصاب قلت له والمشكله قاعد يقول اسمك كأنه يعرفك قال هذا في احد امطرشه علينا المهم قالي زوجي ارسلي كيس القهوه معه الخدامه وقوليلها اتقوله خذ كيس القهوه ويقول انه زوجي ما يعرفه تعرفون شو قال يا اخواتي زعل وقال ما عليه ما عليه انا أرويه انا اعرفه وشافني اكثر من مره اونه ما يعرفني راح وهو زعلاااااااااان

يا اخواتي والله اني مستغربه من تصرف هالانسان قولولي رأيكم في الموضوع...