النصيحة صارت استهزاء

السلام
زوجي كل مايطلع الصباح يشغل فيروز واذا كان ماشي الليل يشغل ام كلثوم او عبدالحليم حافظ
امس كنت مسافرة معاه ولما رجعنا بالليل شغل انت عمري حق ام كلثوم والطريق ظلام صار الجو كئيب وانا اشوفه منسجم مع الاغنية وساكت وسريع بالسيارة وانا خايفة تكلمت معاه انه حرام يشغل اغاني قالي بركاتك شيختنا لي يشوفك يقول تختمي القرآن كل يوم ياسولفي بحاجة او انطمي انا مارديت عليه وتميت اذكره بعدين صادفنا حادث قوي يارب سترك حسيته خاف صرت اتكلم معاه عن الموت قالي لي يقطع مصاريني انك انتي لي تسولفي عن الامور انتي اساسا وجهك هذا سبب نكبات العالم كله نامي يلا نامي ماباقي الا الشيخة ثوثة تعلمني الدين وقلب من ام كلثوم على فريد الاطرش ويقول بعدين امزح لاتشيلي بخاطرك وتدعي علي تكفي ترا دعواتك مستجابة ياشيخة لازم ترقيني كل يوم وطول طريقه يطقطق لاني قلت الاغاني حرام
يعني معقول النصيحة صارت حرام والناس مغفلة واذا احد نصحهم قلبوها مصخرة