اهلا حبيباتي دي أول مشاركة ليا معاكم أرجو انكم ما تكسفونيش و يا رب تعجبكم .............
النظام ده وصفه الدكتور لانقاص الوزن وفي نفس الوقت تنظيف المعدة و الأمعاء و ده بيساعد على التخلص من الانتفاخات و تهيئة الأمعاء للبدء في أي ريجيم ،، النظام ده ممكن نعمله يوم واحد في الشهر أو مرة أو مرتين في السنة لمدة أسبوع :02::02:

و النظام كالتالى :

الفطار :
كوب كبير من عصير الفاكهة الطازجة مثل البرتقال ، الجريب فروت ، أناناس ، تفاح
و نشرب بعد كده كوب أو اثنين من النعناع المغلي المحلى بالعسل ( و يمكن الاستغناء عن العسل) و نمتنع تماما عن الشاي و القهوة

فترة الظهر :
كوب من اللبن الرايب خالي الدسم أو كوب من مرقة الريجيم و تصنع كالتالي ( كوب من الكرفس المفروم ، كوب من الجزر المقطع قطع صغيرة ، نص كوب سبانخ مفرومة مع بقدونس مفروم ............ نحط المكونات في لتر ماء بارد و نرفعها على النار 20 دقيقة و نضيف الملح و ممكن عمل بعض الاضافات للمرقة كاضافة البصل و الطماطم و الفلفل الأخضر و الثوم و ممكن نضيف بعض الأعشاب زي الريحان و الزعتر و البردقوش ) وممكن كمان ناكل طبق سلطة مكون من كرفس و جزر و فلفل أحمر.

الغداء :
كوب من مرقة الريجيم ، سلطة فواكه أو خضار طازج ، كوب لبن رايب

فترة العصر :
كوب عصير فاكهة ، كوب أو اثنين نعناع ، كوب لبن رايب حسب الرغبة

العشاء :
كوب مرقة ريجيم ، أي نوع من الخضراوات السلوقة خفيف أو سلطة خضار

قبل النوم :
لازم تاخدي حمام في ماء فاتر لمدة ربع ساعة و ندوب في الماء شوية ملح انجليزي

و بعد اسبوع يعني في اليوم التامن و التاسع لازم تاكلوا فواكه و خضار كتير بالاضافة للحم الخالي من الدهون .
وبعد كده ابدئي الريجيم اللي تفضليه و في الموضوع الجاي هابقى اقولكم على الريجيم اللي أنا بافضله ،،،،،،،،،،،،،،،،،،،،،،، شكرا ليكم
:32::27::29:
ما تنسوش تجربوا و تبلغوني بالنتيجة و ان شاء الله هتدعولي