الله معاك غيري نفسك حبه حبه وان شاء الله ربي يقوم معاك يالغلا

حطي لك جدول تمشي عليه
ومهم جداً بعد ماتنظفي المكان ، تحافظي ع نظافته

واذا عندك صديقات مقربات اعملوا لكم جدول حتى تحمسوا بعض

و طبيعي السنه الأولى مايكون عندك نضام معين ، و يكون عندك كسل و خمول
لكن مع الايام يتغير كل شيء

ابدئي غيري بالتدريج ، في بنات أعرفهم جدولهم كل يوم غرفه وحده بـس

ثم مع الأيام زيدي مهامك ، مثلا غرفه وحمام ، ثم غرفه وحمام والمطبخ

واذا ماعندك أطفال مو لازم يوميا 

حلوه صراحتك
كنت بقول لك قولي الأذكار اللي قبل النوم وصية الرسول صلى الله عليه وسلم لابنته فاطمة وزوجها علي رضي الله عنهما بس الأخوات ماقصروا..
ابدي في التغيير واسألي الله العون والتوفيق و البركة في الوقت و العمل
وانتبهي لا ينفجر امبير زوجك عليك!!!شكله صبور بس إذا صاحبك عسل لا تاكله كله

الله يفرج همك

يأختي نصيحه مني نظفي بيتك تحركي واذا زوجك مثل زوجي بتتحطمين , انا في بداية زواجي كنت أنظف بس وسط وغسل الملابس بعد أسبوع ويعني مافيه تنظيم وكان زوجي ساكت مايقول نظفي ولا خوذي المهم بعد سنتين من الزواج بداء زوجي يتكلم ويفشلني ويقول انتي ليش كذاء وهذي مو حياة وكلام كثير والحقيقه انصدمت لانه بالبدايه ساكت , وتوقعي ان زوجك بينفجر مره وبيقول لك كل شي يعني اذا هو ساكت بالبدايه لانه متفشل منك أو مايبي يجرحك لكن بعدين بيتكلم
شوفي أختي نظفي بالبدايه تنظيف سطحي يعني ألي قدامك نظفيه وسوي مثل طريقة الأخوات ألي يقولون حطي ملابس بالغساله والصحون حطيهم بطشت فيه مويه دافيه وفيري ونقعي فيه كل المواعين وأدخلي لغرفة النوم رتبي السرير ومسحي التسريحه والكوميدينه وبخريها وعطريها وسكري الباب , وروحي للحمام انا مابقول لك أخلطي الفلاني مع المطهر الفلاني لا أبسط حاجه عندك صابون تايد وشوي كلوركس مع ماء وأدعكي الأرضيه والمغسله , اذا ماعندك بتلاقين ديتول بالليمون وفيه بالياسمين خوذي واحد منهم وخففيه بماء وأدعكي كل شي بالحمام حتى مقبض الباب والصبابير المهم وأطلعي من الحمام ,روحي للمطبخ وغسلي الصحون بمويه وبالشباك والصاله رتبيها ترتيب وجمعي الأوراق بكيسه وكنسيها وبعد كذا طلعي الملابس من النشافه وانشريها وهكذا يعني سوي شغلتين بوقت واحد واذا نظفتي اليوم من باكر مري عليه مو تقولين انا نظفته أمس وخلاص لا مري عليه شوفي المحتاس ورتبيه

فيه وحده قبل فتره نزلت موضوع لها والحقيقه انا أستفدت منه كثير وهو انه لكل حاجه مكان خاص فيها يعني خصصي لكل حاجه مكان تعرفينه انتي وزوجك انا مثلآ ساكنه بمنطقه وخواتي بمنطقه ثانيه اذا جوني ونامو عندي يعرفون بعض الأماكن مثل المقصات سواء شعر أظافر حاطتهم بسله بدرج التسريحه يعرفون مكانه كلهم والأمشاط بسله ثانيه والمنظفات والشامبو بدرج ثاني بسله المهم خصصي لكل حاجه مكان
شي ثاني تقول الأخت انك مثلآ اذا جيتي من طلعه ودخلتي البيت طبعآ بتشيلين عبايتك وبعض البنات ترميها على السرير أو الكرسي وتطلع زين ,تقول الأخت انك لو حسبتي الوقت ألي رميتي فيه عبايتك وحسبتي الوقت ألي علقتيها فيه بالدولاب راح يكون بنفس الوقت, زين ليش مانشيل العبايه بالدولاب طوالي ومانرميها لاننا ماراح نستفيد يعني بنشيل هذي الحاجه بالأخير
ومافيه أحد بيشيله غيرنا صح أو لا
أتمنى لك التوفيق واتمنى من الله انه يعيننا على أنفسنا ويبعد الكسل عنا