للأسف هذا حال الناس
الله منعم عليهم و عيونهم بنعمة غيرهم
الصورة الأولى
تلاقيها موظفة و عينها على اللي جالسة في البيت
تلبس أحسن مني و ذهب و ألماس و فساتينها و لبس أطفالها من الغالي و نوم على كيفها و أنا يا حسرة على حالي يا دوب ساعة بــــــ..... و اكسسوار مالت علي كرف من الجهتين لو أجلس في البيت أبرك لي
طيب أجلسي و من رادك
يمكن هاللي أنتي مسويه مسح شامل على ممتلكاتها ممتثلة بــ ۞ و قرن في بيوتكن ۞ و ربي مرضيها و مكفيها
يمكن الميزانية محددة فتدبرها أفضل منك بما إن الراتب بين يدينك فصايرة مفهية << ما ني متأكدة من المعنى بس عندي أحساس كذا صح خ خ خ
يمكن تلبس من خواتها
يمكن ربي معطيها ليش الحسد
يمكن المظهر تمام لكن فيه مشاكل بينها و بين زوجها
طيب أنتي صحتك تمام و هي يمكن ربي معطيها في المظهر لكن مبتلية في صحتها
و حتى لو هي منعم عليها ربي بدون أية مكدرات و لا منغصات
أذكري نعم الله عليك
و أذكري الله واسألي الله من فضله
الصورة الثانية
العكس غير موظفة و متقعدة لموظفة
على كيفها فلوسها بيدها
تهدي في كل مناسبة
مرتاحة سفر و شنط من كل ماركة << بيني و بينكم غالبا تقليد لكن الأخت تبي تحسد بأي شكل
ما تدخل إلا في يدها شوكولاتة أو حلى من محل فخم و أنا يا حسرة يا إما حلى من يديني يا إما مافيه أكرم لي من أتهزأ بمحاضرة
ساعات و بلايز و تيورات كل يوم شكل << غالبا تكون رسمي حقت الدوام و الأخت تبي تحسد بالقوة
طيب يا حبيبتي ليه حاطة راسك براسها
ما تدرين إن الموظفات الكل عينه على رواتبهم
يؤ يؤ لو ما تهدي يقطعونها بكل مجلس
هذا غير إن في راتبها نصيب معلوم لفلان و علان بس لإنها موظفة
و مثل ما قلت أغلب من يجري وراء البضائع المقلدة >> شنط ساعات هم من الموظفات
و بالنسبة للسفريات الله يسلم راتبها نص السفرة عليها
و بعدين حتى لو شفتي عندها نعمة رزقها كدت و تعبت قومي زيها و دوري وظيفة أو درسي خصوصي و اشتغلي سبع صنايع ترزقي الله من رادك
و لا تنسي الضريبة اللي تدفعها مقابل الفلوس من صحتها و وقتها و وقت أسرتها و المشاكل اللي تنشأ بسبب كونها ذات دخل
و حتى لو هي منعم عليها ربي بدون أية مكدرات و لا منغصات
أذكري نعم الله عليك
و أذكري الله واسألي الله من فضله