النفاس !!!!!

النت مليء بانظمه النفاس والاكل سويلك اذا دخلتي التاسع وحطيلك في الفريزر
اما بالنسبه للحليب اصلا ماينزل الا يمكن خامس يوم من النفاس مو بالحمل

هلا حبيبتي انا زيك بالثامن  ..

من ناحية إهتمامك بنفسك ببدأ بالأهتممام بااخياطه ..تشطيف بااموية ثم تنشفي المنطقه تممام وبعدها باامطهر اسمه بيتادين يعني امسحي بقطنه فيها مطهرع الجرح وتنشيف تممام وبعدها حطي ع الخياطة مرهم ميبو مسحه بس والبسي فوطه وانتهى..في كل حمام سوي هالطريقه وبعد ماتهدأ الم الخياطه استخدمي ملح من الصيدليه تشطفي كمان منه مع المرهم والمطهر برضو..


بعدها إهتمامك بنفسك من ناحية الاكل ..كلي طبعا خضار بمرق ودجاج ..وكمان في قرصان يبيعوها بكرتون بالسوبر حلوة مع المرق واللحم والدجاج وسهله..وحليب بفلفل..قهوة قشر..يانسون للمغص والغازات..وكمان كلي تمر كثيييير
خبز بر خفيف للفطور مع سمن وعسل اصلي..وبس لاتكثري اعشاب وتخلطينها ..

اممممم وعنايتك بطفلك اهم شي السرة حطي عليها مسحه طبيه بأستمرار ..ولاتبالغي في تدفية طفلك عشان مايتعود ع الدفا ويسير يتعب بسرعه من اي نسمه..


وبس إن شاء الله قدرت اساعدك ..دعواتك ربي ييسهل ويهون ولادتي ويفرحني بنونتي سليمه ويعدي نفاسي على خير.

رفع

رفع

السلام عليكم


وعليكم السلام ورحمة الله وبركاته...


بنات انا حامل وهذا اول حمل لي في الشهر الثامن

ماشاء الله الله يتمم لك بخير. ويسهل لك وتعبي البيت صبيان وبنات 

وماعرف شي عن أمور النفاس وكيف الوحدة تعتني بنفسها وبطفلها

من ناحية. الأكل خصوصا ولادتي بتكون في شتاء

ومن ناحية عنايتي بنفسي وطفلي والله ماعرف
ايش يمر على البنت من لحظة ماتولد الى مابعد النفاس

حابه تفيدوني وتعتبروني أختكم ،


شوفي افضل لك تولدي عند امك او امك تجي بحكم انك بكريه لان صراحه النفاس متعب جداً لحالك لازم عندك احد اذا مافيه مجال احد يساعدك لازم تجهزي لك اكل من الحين لان التاسع ماتدرين ممكن تجيك ولاده باوله
سوي لك خبز صاج كميات وفرزنيه لك تفطرين عليك وقت ماتبين تفطرين تحمينه بالمايكرويف او طلعيه من الليل خليه برا والصبح حميه وحطي له سمن وعسل

سووي لك مكرونه بالباشاميل سوي كل شي بس بعد ماتحطين الباشاميل لا تحمرينه خليها تبرد وحطيه بالفريزر
سوي كباب وكفته او اشتري المفرزن الجاهز جهزي لك لحم للشوربه مقسم باكياس خلي زوجك يجيب لك قرصان وشراك وبيض جيبي كرتون تمر خلاص شيلي عنه النواه وحطيه بقدر كبير وحطي لك اصبع زبده ورشاد ٤م ك وحبه سودا وشمر وقلبي ليما يسحن وينعجن ولما يبرد عبيه بعلب بلاستك وسكريها زين لا ينشف هذا تتقهوين عليه او متى ماجعتي يسكت جوعك
روحي للعطار من الحين جيبي اغراضك ادخلي ع مواضيع قشر قهوه بتستفيدين كثير جزاها الله خير
اهم شي بالنفاس لاتجوعين ولا تبردين واذا فيك خيوط تهتمين فيها مثل ماقالت الاخت اللي فوق وتمشين شووي شوووي هذا بالنسبه لك انت
بالنسبه للنونو
اول الايام لازم تعرفين ان كل مارضع بطنك بيمغصك لان الرحم يرجع لمكانه الطبيعي انا عني ما اتحمل الالم عشان كذا كل ٤ساعات اخذ مسكن بنادول او فيفادول اللي عندك

اشتري للنونو رضاعتين صغار وحده للمويه ووحده للاعشاب ومصاصه او لهايه
اذا فيه صفار حطي مع المويه سكر نبات اذا مافيه شربيه مويه بس
الاعشاب كل ليله سوي له رضعه يانسون او كراويه وحليها بسكر نبات عوديه وهو صغير يشرب اعشاب عشان اذا كبر يشربها عادي
خليك دايم لافه النونو عشان مايتملع
اذا ولد لاتطهرينه الا بعد ماتطيح خيوطك عشان ماتتعبين معه
السره دايم امسحيها كل ماغيرتي الحفاظه بمسحه طبيه ورشي عليها بودرة سر تلقيها بالصيدليه
اشتري ملابسه من الحين غيرات داخليه وخارجيه وقبعات ومريلات ولفات وشنطه ومنشفه وبطانيه
وشرابات وقفازات حقت المواليد عشان لايمخش نفسه وجيبي له صابون حق ملابس الاطفال سائل من برسيل وفيه من شركة تايد كمان صابون سائل للاطفال لان
التايد والمساحيق الثانيه تسبب له حساسيه



وحابه أسألكم سؤال ثاني
سمعت ان البنت يخرج منها لبا وهي حامل
انا ماخرج مني خايفه انه ماينزل معي حليب لطفل

بالنسبه للبا مو شرط يطلع وانت حامل

ايش الأشياء اللي تدر الحليب بعد الولاده يعني اي معلومات عندك
مدررات الحليب
الحليب قومي الصبح سوي لك ترمس حليب الافضل اشتري نيدو المدعم عشان تستفيدين او اي حليب وسويه مثل ماتبين بالحلبه او بالقرفه او ساده فيه ناس تحط فيه شيح واشربي منه طول اليوم
الحلاوه الطحينيه مدره
الشمر يدر خوذي ملعقه كبيره حطيها بكوب وصبي عليه ماا حار وغطيه خليه ١٠دقايق وحليه واشربيه
العدس الاصفر او الاسوود كلهم يدرون حطيهم بالشوربه
واشتري ماش حطيه باكلك يرم العظم ومارح تشتكين من وجع الظهر
وان شاء الله اكون فدتك ...بشرينا لماتولدين بالسلامه