النفاس

الله يسهل لي ولك الولاده
شوفي حبيبتي الحين لازم تتجهزين اغراض النفاس وهي من العطار بس لازم عطار موثوق ونظيف وكل اغراضك تكون حب مو مطحونه انتبهي عشان بعض العطارين يطحنون الاعشاب والادويه وهي وسخه وفيها حصى او اعواد
اول شي تحتاجين اعشاب تسويها زي الشاي وتستخدمينها طول الاربعين وفايدتها تنظف الرحم من الدم وتشد الجسم
الاعشاب كمون وحزاء وشيح وقشر قهوه شمر ويانسون زعتر وبابونج تاخذين من كل نوع مقدار نصف كوب واخلطيها بعلبه نظيفه وطريقة استخدامها تاخذين من العلبه ربع فنجال وحطيه بترمس الشاهي وصبي عليه مويا مغليه وحطي شوي سكر واتركيها تنقع عشر دقايق واستخدميه طول اليوم
وثاني شي اللهوم حق العتيبيات موجود طريقته بالنت
واطحني حلبه وصلحيها مع الحليب ممتازه لنفاس
والتمر اعجنيه بكمون مطحون وحلوى ورشاد حب وحبه سوداء مجروشه وسمسم محمص مع زبده او سمن غنم وهو افضل او زيت زيتون اعجنيها سوء وخليها عندك تاكلين منها على الريق والعصر
وجيبي قرفه سيلانيه ودقيها واطحنيها ناعم وخليها بعلبه عندك تظيفين منها شوي مع الشاي او القهوه او تاخذين منها مع عسل مممتازه
هاذا الي جاء ببالي الحين
لاتنسيني من دعاء ربي يسهل ولادتي ويبعد عني كئابة النفاس

وكمان لازم تلبسين لبس يدفيك خاصه الشراب والبنطلون ولفي راسك بشال عشان مايدخلك البرد
الشمم افضل شي له الحلتيت تحطينها بقطعة قماش وشميها اذا جاك احد
وكمان شاي الحزاء مع الكمون المطحون ممتاز لشمم من تجربه لي
واذا عندك احد يعتني فيك بعد ماتولدين ان شاء الله خليه يسوي لك تدليك لجسمك كله وخاصه البطن والارحام بزيت دااافي عشان الرحم ترجع لمكانها