النفاس بالبيت

الله يكتب لك اللي فيه الخير أن شاء الله البنات يفيدونك أكثر مني لأني بكريه ومااعرف انا حايسه للحين بوضعي لكن الله يكتب لنا اللي فيه الخير يارب ويسهل علينا وبس حبيت ارفع موضوعك....

انا حملي هذا الرابع وبنتي وولدي يدرسون والصغيره روضه كنت اقول اولد ببيتي لكن احس صعب لازم احد يكون عندي وقت مايجون الضيوف وامي وخواتي مايقدرون يجون يوميا وعمتي ام زوجي ماتقدر تجي كبيره وتتعب من الدرج وبناتها متزوجات طبعا راح اجيب شغاله وقررت اولد عند اهلي ع الاقل اجلس ل20 يوم و اجيب شغاله من قبل اولد عشان لما اكون بالمستشفى تساعد امي وخواتي وتغسل ملابس اولادي وتكويهم وتسوي لهم فطور الصباح لاني من النوع اللي اول اسبوع يجيني نوم مو طبيعي انا مايهمني الاكل لان بجيب شغاله وزوجي يجيب من برا اللي يهمني وقت الضيوف مين يقهوي ويقوم فيهم
انتي اذا بيتك قريب من امك او اهل زوجك وفيه احد يقدر يجي وقت الضيوف جيبي شغاله واولدي في بيتك واذا لا روحي عند اهلك ع الاقل لو 10 ايام ولاتنسين شغاله تساعدهم وربي يتمم لنا ع خير ويرزقنا هون الطلق

تذكري هي أربعين يوم وتروح زي الهوى صح مافي زيارات زي قبل بس انتي رتبي يومك اذاقمتي ووش تسوين تطبخين بعده تنشغلين بالبيبي ترتبين وامشي المشي زين بس على شوي شوي تابعي التلفزيون اطلعي مكان تحبينه كثري قراءة قرآن والله يقومك بالسلامه

اناعندي اهم الشي الراحه النفسيه ومن ناحية الاكل فرزني التمره والمصابيب بالحلب ومرق لحم ودجاج على الاقل لعشرالايام الاولى واول ماتقومين جهزي لك قهوه وشاي وشاي اعشاب لطول اليوم اتمنى اني افدت

الله يعافيكم بنات ماقصرتوا ربي يسعدكم ويجزاكم خير