النفاس ببيت زوجك.....وش الحل؟؟؟

السلام عليكم

كيفكم يابنات..شخباركم

انا بصراحة من زمان مسجلة وماشاركت....بس دائما اتابع مواضيعكم كثير لانها جد فادتني كثير

بداية بقولكم كيف وضعي وعلى أساسه ساعدوني لاني بصراحة ماني عارفة شنو أبي

ولاني هم دورت بس مالقيت حالة نفس حالتي بالمنتدى

انا وحيدة يعني ماعندي خوات وامي بنفس المدينه اللي انا فيها بس فيه اسباب مانعتني من اني اشوفها او حتى اكلمها

وهالكلام منبطق على أمي وعلى أهلها كلهم...وابوي متوفي وماعندي لاعمات ولا عمّان

وانا متزوجة وانا صغيرة والحين عندي بنوته بتكمل اربع سنوات بعد فترة

والحين انا حامل بالشهر الثامن ومابقى لي شي عالتاسع

حملي ببنتي عانيت من شغلات كثير

ماكان عندي احد يعلمني اي شي...وزوجي كان هو والدنيا علي

وأهل زوجي هم كانو ضاغطين علي

جاني اكتئاب قبل الولادة وبعدها

كنت يوميا ابكي وحالتي مايعلم فيها الا الله

محد كان يساعدني بأي شي يعني غيري عندهم خوات..أو عندهم خوات زوج يعني ياخذون البيبي شوي من الأم

عشان ترتاح شوي...انا لا

وفوق هذا كان نفاسي عند زوجي...يعني انا وياه بنفس البيت وانا نفاس

طلعت من الاربعين وماكان فيه شي مميز صار

لاهدية لامن زوجي لا بولادتي ولا بطلعتي من الاربعين

اصلا كيف بيهديني بعد الاربعين وهو توه شايفني امس؟؟!!!!!

الحين تقدرون تقولون تعلمت من حملي الأول في شغلات كثير

بس في كلا الحالتين راح اكون بالنفاس عند زوجي

يعني كيف راح اتجهز له لما بعد الأربعين وانا يوميا قدامه؟؟!

كيف بروح اتضبط بمشغل او بشتري شي وانا ماعندي احد غيره يوديني؟؟!

كيف وكيف وكيف ............الخ من الشغلات اللي انتو تسوونها؟؟؟!

كنت اتمنى يسافر او يطلع من البيت ويخليه لي بس فترة الاربعين...بس مافيه أمل

أدري غثيتكم بس مالي الا الله ثم انتم

وش الحل......وش تنصحوني فيه؟؟