~EmmY~ @emmy_4

عضوة فعالة

النفاس عن اهل الزوج أو اهلك؟

مرحبا خواتي..
عندي موضوع مدايئني كتير وكل ماافتح الموضوع مع زوجي الا ما نختلف صرنا نتجنب نفتح الموضوع بالمرة..

الموضوع اني هلة بغربة في دبي وبدي انزل على الأردن ان شاء الله عشان اولد..بيت اهلي و دار حماي في الأردن..واحنا لسة ما عنا بيت لحالنا بس في على الروف عند دار حماي غرفة مع حمامها وكبيرة بس مو مؤثثة لسة بس ممكن دار حماي يؤثثوها النا..المهم زوجي بده ياني لما اولد اروح اتنفس عند امه وانا مابدي..بحكيلي كيف بدك تقعدي عند اهلك وانا بكون عند اهلي..بده نكون مع بعض..لكن والله مو متخيلة انه اكون عند حماتي اتنفس عندها خصوصي انه عنده 4 خوان صحيح اصغر مني وزي خواني بس لازم اتحجب واتستر عنهم..
مارح آخد راحتي بالمرة,,واحنا بيت اهلي كبير ومن غير شر فاضي لأنه كل خواتي اتزوجوا وخواني كل واحد بغرفته وبيتنا اهدى وماعنا زوار كتير زي أهله..
والله لما اتخيل حالي ممكن اقعد عند حماتي بنقهر ،، والله هي طيبة كتير بس مارح تكون زي امي..مارح آخد راحتي عندها,,انا بكرية ورح استحي كتير عندها ورح اكون مخيطة وحالتي حالة كيف رح اتصرف عندهم والله مابعرف..
لأ وزوجي بحكيلي بنخلي امك تيجي عندك..!! طبعا مو مقتنعة اغلب ماما وأخليها تطلع من بيتها..بدي امي بروح عندها مش هي تيجي عندي..
كلامي ملخبط وبدي افضفض..بس بدي اسأل من اتنفست عند حماتها؟
وكيف كانت تتحرك وتنام عند دار اهل زوجها ؟
كتير مقهورة..:44:
بس ان شاء الله زوجي يقتنع لأنه للأمانة مارح يجبرني على شي..بس مابدي اياه يزعل..
خصوصي هديك الفترة لازم نكون مبسوطين بالبيبي..

يلزم عليك تسجيل الدخول أولًا لكتابة تعليق.

تسجيل دخول

sara_QTR • 12 سنة

عند اهلك افضل

وهو بيقدر الموضوع لاحقا

بس مب لازم تكملين 40 يوم عند اهلك

انا رحت بيت زوجي وانا بكريه في اليوم 25 لانه تعب من كثر مايروح ويجي لبيت اهلي

يعني مجرد ماتطيح الخياطه وصحتك تكون اوكي روحوا لزوجك وافرحوا بالمولود

اذا واثقه من نفسك ومن زوجك انه ماراح يضايقك او يلمسك؟؟؟؟

فتاة بلاعنوان • 12 سنة

الصراحه صعبه عند اهل الززززوج الافضل في بيتي او بيت اهلي .......طبعا هذا وجهه نظري لان مافي مثل الام بتهتم فيك اكثررر
وبالذات انتي بكريه
الله يسهل عليك وعلينا
دعواتك ياقلبي بتسهيل ولادتي

بردقوشة@ • 12 سنة

مادرى بصراحة بس قدام اهل زوجك وزوجك لازم تكونين مرتبة ومظهرك مرتب ولازم تاخذين شور يومى وتتعطرين

وانتى مو فاضية عندك البيبى وراحتك لازم تنامين وترتاحين خوذى 10 ايام عند امك وبعدها عند اهلة

وقولى لزوجك افضل حل النص لاهلى والنص الى بعدة لاهلك

~EmmY~ • 12 سنة

sara_QTR :

عند اهلك افضل وهو بيقدر الموضوع لاحقا بس مب لازم تكملين 40 يوم عند اهلك انا رحت بيت زوجي وانا بكريه في اليوم 25 لانه تعب من كثر مايروح ويجي لبيت اهلي يعني مجرد ماتطيح الخياطه وصحتك تكون اوكي روحوا لزوجك وافرحوا بالمولود اذا واثقه من نفسك ومن زوجك انه ماراح يضايقك او يلمسك؟؟؟؟

عند اهلك افضل وهو بيقدر الموضوع لاحقا بس مب لازم تكملين 40 يوم عند اهلك انا رحت بيت زوجي...

شكرا الك اختي على المرور..
انا مو ناوية اضل 40 يوم على الأقل اول اسبوعين او حتى لما اصحصح واصير قادرة اهتم بحالي حتى لو بعد اسبوع لأنه في احتمال ارجع على دبي قبل 40..
بس أهم شي اول فترة..
بس مافهمت شو قصدك يضايقني او يلمسني..؟

آنكتبلي آحبكـ • 12 سنة

ياعمري انتي
شوفي لاتروحي بيت اهلك الا وهو مقتنع وطيبي خاطره بكم كلمه اول 20 يوم خليكي عند امك من التعب ماراح تلحقي تهتمي بشكلك كثيير مو حلوه قدام اهله واهو

اللله يسسسسسهل عليك يارب