التعب يهون والله اهم شيء الراحة النفسية

ومن الحين عودي شغالتك على شغل النفاس

أنا بعد بتنفس ببيتى وهذا حملى الثانى الأول عند الغالية أمى
لان أحس بيتى أريح مع أن أمى تقول تعالى عندى بس أشوفها صعبة وخاصة زوجة أخوى ساكنه معاهم
فابيتى أريح عندى حمامى الخاص وغرفتى و زوجى لازم يشيل الهم هو صحيح ماراح يشتغل ولايكرف بس على لأقل يحس
لا وأزيدك من الشعر بيت شغالتى سافرت ولالقيت بديلة لان الدنيا نااااااااار الشغالات وصلن 14 و 15 ألف للتنازل
واللحين أنا بالثامن وأقول لاقربت الولاده أستأجر شغاله والله يعين
بس ترى أنا جهزت أدوية النفاس كلها أتبعت شوى من نظام قشر قهوه ونظام العمرية و وسويت لى نظام حلو وسهل وان شاء الله متكامل يكفينى النفاس و أخت النفاس أن شاء الله حتى تمره النفاس سويتها وأشتريت كم بجامة على كم قميص و شرابات و ملف للراس وأن شاء الله باقى السرير والمفرش بشتريهم وهذا أهم شئ للنفاس وأما الحلا وأشياء الضيافة ماشلت همها أذا ولدت وقمت بالسلامة بوصى زوجى يجيب شوكولاته بس والضيوف كلن يجى ويجيب ضيافتة معه
وأمى بتجينى تجلس معاى بفتره النفاس أن شاء الله تطبخ لى ولو لاقدر الله ماقدرت بخلى زوجى يجيب لى أكل من المطعم غداء وعشاء لمده أسبوع أو لين أقدر أقوم وبعدها أمشى شوى شوى وأطبخ لنفسي والشغاله تغسل والحمدلله
ترى أمهاتنا وجداتنا كانن يولدن منا ويقومن يشتغلن منا كل شئ سهل بأذن الله

(( وقل ربي ارحمهما كما ربياني صغيرا ))

لا تلومنين امك ... وسعي صدرك الحمد لله معك شغاله يعني بتساعد كثير
انا بولد بشقتي وما معي شغاله وعندي بنتين ولله الحمد موسعه صدري
جهزت قهاوي النفاس وطبخت كم طبخه لي وفرزنتها ...وزوجي وبناتي بياكلو من المطعم

وجهزت لي سرير .. واغراض المستشفي .. وكم لبسه لبناتي ان جا ضيف فحاه بيكونو جاهزين

وعندي جارتي ما بتقصر معي ... وعندي صديقتي والحمد لله كلها تياسير من رب العباد

المشكله الضيووووف شلووون تستقبلووونهم انا ماااعندي احد من اهلي بديرتي بس اهل زوجي كلهههم فيه وراااعين تكلف في النفاس والاستقباااال اذا جوني بدري من بيصبلهم ويقدملهم مررره شااايله هم الله يسهلها عليينا يااااارب

خلاص يااانه امك مااتتحمل البززارين وبنتك من النوع اللي حركه شوي وهي مااتتحمل زوجتكم تبي ترتاح
وخلاص ماشا الله عندك شغاله ارتاحي ببيتك وزوجك يجيب كل شي تبينه وانتي خذي والوصفات من البنات ان شا الله مايقصرون
وبيني وبينك البيت اهدى واريح ودام عندي شغاله وش لي بالهم ارتاحي ولاتتحركين وزي كذا وخلي امك تسير من فتره لفتره
الله يعينها هذا رائي تقبليه بصدر رحب وش لك بمذللة فلان وعلان وانتي نفاس لازم ترتاحين مو تجلسين تحاتين امي ماتتحمل ومدري شنو كلها افكار تجيب لك اكتئاب وانتي حره