النفاس وممنوعاته...

الحمل والإنجاب

السلام عليكم

حبيت اسالكم يابنات عن ممنوعات النفاس

بصراحه فيه اشياء مااقدر استغني عنها

مثل الصلصة الحمراء بالاكل والطماطم

والماء يقولون لاتشربين طيب عطشااااااااااانه كيف مااشرب:mad:

بسالكم هو صدق يلعبن بالحرمه ولا خرابيط

بنات بلييييييز ابيكم تتكلمون من تجربة ماابي توقعات من راسكم:)

ورجاء خااص يامشرفات لاتقفلونه احتسبوه لله وخذوا اجري بالشهر الكريم
8
2K

يلزم عليك تسجيل الدخول أولًا لكتابة تعليق.

تسجيل دخول

M!Ss ♥ elite
M!Ss ♥ elite


هلا وغلا ياقلبي

شوفي أي شي فيه ميوعه وخري عنه

مثل البامية الملوخية والبيض هذا أهم شي

الطماطم جديدة اول مره أسمع فيها

مع أني قصيمية سيم سيم خخخخ

والموية خرابيط ماعليك أشربي لين تنفرجين

ومبارك عليك الشهر :)
بنت الريــاض
بنت الريــاض
والله انا محتاره مثلك ناس تقول لاتشربي حوامض ومويه ومدري ايش ووحده قالت لي انها تسوي لبنتها وهي نفاس كل يوم عصير برتقال طازج ولاصار لها شي

شايله هم النفاس من كثر ما اقرا عنه لازم اهتمام وعنايه خاصه

ننتظر تجارب الاخوات
ام كرشه
ام كرشه
ماعليك اشربي اللي تبين وبالكميه اللي تبين

انا كنت اشرب المويه بهبل وبارده ثلج

وكنت يوميا اشرب عصير طماط وعصير برتقال باااارد

بس كنت ملتزمه بالرشاد يوميا

للعلم انا والده قيصري بس حسب علمي يقولون القيصري والطبيعي سوااا في النفاس

ونفس الشي بنت خالتي مايبرد قلبها الا لما هي تقوم بنفسها عند البراده وتشرب المويه
وردتي علاء
وردتي علاء
ماعليك اشربي بالعكس لازم السوائل بكثرة علشان الحليب

و ترى ما اظن ممنوع بالنفاس الا التعب و حمل الثقيل اما الاكل شوفي بالمستشفى جابولي كل انواع الاكل و الشرب لو كان يضر ماكان جابوه

يعني انت اهتمي براحتك ونظافة الجرح سواء طبيعي او قيصري و اكل صحي و خضار و فواكه علشان الامساك و لا تحملي ثقيل و بس
عن تجربة ما يحتاج اكثر من كذا

وشوفي كلام الاطباء كمان زي كذا
قصيميه ارفع الراس
مشكورين ياصبايا الله يجزاكم خيرر

وابي تجااااااارب بعد ماقعد ولد الا هالاربع بسسسسس

وينكم لاتحسدوننا تجاربكم